မြဝတီမြို့တွင် မျှစ်ချိုးသွားသော အမျိုးသားတစ်ဦး မိုင်းနင်းမိ၍ သေဆုံးခဲ့ဟု ရဲတပ်ဖွဲ့ဆို
NSS - ဇူလိုင် ၇
ကရင်ပြည်နယ်၊ မြဝတီမြို့နယ်တွင် မျှစ်ချိုးသွားသော အမျိုးသားတစ်ဦး မိုင်းနင်းမိ၍သေဆုံးမှုဖြစ်ပွားခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။
ဖြစ်စဉ်သည် ပြီးခဲ့သော ဇူလိုင်လ ၅ ရက်၊ မွန်းလွဲ ၂ နာရီအချိန်တွင် မြဝတီမြို့နယ်၊ ပွင့်အေးမြိုင်ကျေးရွာအနီးတွင် အထက်ပါကဲ့သို့ဖြစ်ပွားခဲ့ကြောင်း သိရသည်။
အဆိုပါကျေးရွာတွင်နေထိုင်သော သေဆုံးသူအမျိုးသားသည် ၎င်းနေအိမ်မှ မျှစ်ချိုးရန် သွားရောက်စဉ် ပုညရှင် ဘုန်းကြီးကျောင်း၏တောင်ဘက် ကိုက် (၃ဝဝ)ခန့် အကွာတွင် မိုင်းတစ်လုံးအား နင်းမိ၍ ပေါက်ကွဲမှုဖြစ်ပွားခဲ့ကြောင်း ရဲတပ်ဖွဲ့မှ ပြောဆိုထားသည်။
ထိုသို့ မိုင်းပေါက်ကွဲမှုကြောင့် ပွင့်အေးမြိုင်ကျေးရွာနေ ဦးတင်ဝင်း(၅၈)နှစ်တွင် မိုင်းစထိမှန် ဒဏ်ရာများရရှိကာ အခင်းဖြစ်ပွားရာနေရာ၌ သေဆုံးသွားခဲ့ကြောင်း သိရသည်။
အထက်ပါဖြစ်စဉ်တွင် ပါဝင်ပတ်သက်သူများအား ဖော်ထုတ်ဖမ်းဆီး၍ ဥပဒေနှင့်အညီအပြစ်ပေး အရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အာဆီယံနိုင်ငံခြားရေးဝန်ကြီးများအစည်းအဝေးတက်ရောက်ဖို့ မြန်မာကိုယ်စားပြုအဖြစ် နိုင်ငံရေးနဲ့ မပတ်သက်သူသာဖိတ်ကြားမယ်လို့ အင်ဒိုနီးရှားအစိုးရပြော
RELATED POSTS
22 Nov 2024 | မှုခင်း,ပြည်တွင်း
