NSS - ဇူလိုင် ၇

မန္တလေးတိုင်း၊ နွားထိုးကြီးမြို့နယ်တွင် ကျေးရွာအုပ်ချုပ်ရေးမှူးကို PDF အဖွဲ့က သေနတ်ဖြင့် ပစ်ခတ်ကာ ဆိုင်ကယ်နှင့်ဖုန်းကို လုယက်ယူဆောင်သွားခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။

ဖြစ်စဉ်မှာ ပြီးခဲ့သော(ဇူလိုင်လ ၄ ရက်)၊ ညနေ ၅နာရီအချိန်တွင် မန္တလေးတိုင်း၊ နွားထိုးကြီးမြို့နယ်၊ မလှိုင်သွားကားလမ်းဘေး၌ အထက်ပါကဲ့သို့ဖြစ်ပွားခဲ့ကြောင်း သိရသည်။

သေဆုံးသူ အုပ်ချုပ်ရေးမှူးသည် ဖလံကုန်းကျေးရွာအုပ်ချုပ်ရေးမှူးဖြစ်ပြီး နေအိမ်မှ နွားထိုးကြီးမြို့သို့ ဆိုင်ကယ်ဖြင့်သွားရောက်စဉ် အဆိုပါကားလမ်းဘေးအရောက်၌ PDF အဖွဲ့က သေနတ်ဖြင့်ပစ်ခတ်ခဲ့ကြောင်း သိရသည်။

ထိုသို့ ပစ်ခတ်ခံရမှုကြောင့် ဖလံကုန်းကျေးရွာအုပ်ချုပ်ရေးမှူးဖြစ်သူ ဦးမောင်ဌေး(၅၅)နှစ်တွင် ကျည်ထိမှန်ဒဏ်ရာများရရှိကာ အခင်းဖြစ်ပွားရာနေရာ၌ သေဆုံးသွားခဲ့ပြီး ၎င်းပိုင်ဆိုင်သော Click ဆိုင်ကယ်နှင့် ဖုန်း(၁)လုံးအား အထက်ပါအဖွဲ့မှ ယူဆောင်သွားခဲ့ကြောင်း ရဲတပ်ဖွဲ့က သတင်းထုတ်ပြန်ထားသည်။

အလားတူ ညနေ ၅ နာရီ အချိန် ဝမ်းတွင်းမြို့နယ်၊ ရုံးပင်ကုန်းကျေးရွာအနီးတွင် ကျေးရွာအုပ်ချုပ်ရေးမှူးနှင် ကျေးးရွာတာဝန်ခံတို့ သေနတ်ဖြင့်ပစ်သတ်ခံခဲ့ရကြောင်း သိရသည်။

သုံးထောင့်ကျေးရွာနေသူများဖြစ်ကြသည့်  အဆိုပါအမျိုးသား(၂)ဦးသည် ကန်ပတ်လည်ကျေးရွာမှ ၎င်းတို့နေအိမ်သို့ ဆိုင်ကယ်ဖြင့်ပြန်လာစဉ် PDF အဖွဲ့က သေနတ်ဖြင့်ပစ်ခတ်သတ်ဖြတ်ခဲ့ခြင်းဖြစ်ကြောင်း ရဲတပ်ဖွဲ့ကဆိုသည်။

ထိုသို့ပစ်ခတ်ခံရမှုကြောင့် အဆိုပါကျေးရွာအုပ်ချုပ်ရေးမှူးဖြစ်သူ ဦးထီလာ(၅၉)နှစ်နှင့် ကျေးရွာတာဝန်ခံ ဦးနေမင်းထွန်း(ခ)မဲလေးတို့တွင် ကျည်ထိမှန်ဒဏ်ရာများရရှိကာ အခင်းဖြစ်ပွားရာနေရာ၌ သေဆုံးသွားခဲ့ကြောင်း သိရသည်။