သန့်ဇင် (NSS) - ဇူလိုင် ၅

ရန်ကုန်တိုင်း၊ မင်္ဂလာဒုံမြိုနယ်၊ ဇေကမ္ဘာဝန်းရှိ တရုတ်နိုင်ငံသားပိုင် အထည်ချုပ်စက်ရုံတွင် မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာန၏ ထုတ်ပြန်ချက်များမှသိရသည်။

ဖြစ်စဉ်မှာ ယမန်နေ့(ဇူလိုင်လ ၄ ရက်)၊ ညနေ ၆နာရီ ၄ဝမိနစ်အချိန်တွင် မင်္ဂလာဒုံမြို့နယ်၊ ဇေကမ္ဘာဝန်း၊ ရန်ကုန်စက်မှုဇုန်၊ ဇေကမ္ဘာ(၇)လမ်းရှိ အထည်ချုပ်စက်ရုံတွင် အထက်ပါကဲ့သို့ဖြစ်ပွားခဲ့ကြောင်း သိရသည်။

မီးလောင်မှုဖြစ်ပွားခဲ့သော အထည်ချုပ်စက်ရုံသည် တရုတ်နိုင်ငံသားပိုင် Great Glowing Garment အထည်ချုပ်စက်ရုံဖြစ်ကြောင်း သိရသည်။ 

အထည်ချုပ်စက်ရုံမီးလောင်မှုဖြစ်စဉ်အား Level 2 အဆင့်သတ်မှတ်ကာ မီးသတ်ယာဉ်အစီး‌ (၂ဝ)ဖြင့် ငြှိမ်းသတ်ခဲ့ရ​ပြီး ည ၇နာရီ ၂၃မိနစ်အချိန်တွင် မီးငြိမ်းသွားခဲ့ကြောင်းသိရသည်။

အဆိုပါမီးလောင်မှုကြောင့် လူထိခိုက်မှုမရှိခဲ့သော်လည်း စက်ရုံတွင်းရှိ ပစ္စည်းအများအပြားမီးလောင် ဆုံးရှုံးခဲ့ကြောင်း သိရသည်။