မန္တလေး၌ ယာဉ်ထိန်းရဲဒုတပ်ကြပ်တစ်ဦး သေနတ်ဖြင့် အနီးကပ် ပစ်ခတ်လုပ်ကြံခံခဲ့ရ
NSS - ဇူလိုင် ၂
မန္တလေးတိုင်း၊ အောင်မြေသာစံမြို့နယ်၌ ယာဉ်ထိန်းရဲဒုတပ်ကြပ်တစ်ဦး သေနတ်ဖြင့် အနီးကပ် ပစ်ခတ်လုပ်ကြံခံခဲ့ရကြောင်း သတင်းရရှိသည်။
ဖြစ်စဉ်မှာ ယမန်နေ့(ဇူလိုင်လ ၁ ရက်)၊ ညနေ ၆ နာရီအချိန်ခန့်တွင် အောင်မြေသာစံမြို့နယ်၊ မဟာဇေယျာဘုံရပ်ကွက်၊ ၂၆-၆၂ ဘီလမ်းထောင့်၌ အထက်ပါကဲ့သို့ လုပ်ကြံခံခဲ့ရခြင်းဖြစ်ကြောင်း ဒေသခံများထံမှ သိရသည်။
ယာဉ်ထိန်းရဲတပ်ဖွဲ့မှ ဒုတပ်ကြပ်ချစ်ဇော်ဝင်းသည် ၂၆ လမ်းအတိုင်း ဆိုင်ကယ်ဖြင့် မောင်းနှင်လာစဉ်အချိန်တွင် အမျိုးသား (၂)ဦးက နောက်မှဆိုင်ကယ်ဖြင့် လိုက်လာကာ သေနတ်ဖြင့် ပစ်ခတ်ခဲ့ခြင်းဖြစ်ကြောင်း ဒေသခံများက ဆိုထားသည်။
အထက်ပါအကြမ်းဖက်အမျိုးသား(၂)ဦးသည် ဒုတပ်ကြပ်ချစ်ဇော်ဝင်းအား သေနတ်ဖြင့် (၃)ချက်ပစ်ခတ်ကာ လုပ်ကြံသတ်ဖြတ်ခဲ့ခြင်းဖြစ်ပြီး ၎င်းသည် ကျည်ဖောက်ဝင်ဒဏ်ရာများဖြင့် နေရာ၌ပင် သေဆုံးသွားခဲ့ကြောင်း သိရသည်။
၂ဝ၂၁ ခုနှစ်နောက်ပိုင်း ရန်ကုန်မြို့နှင့် မန္တလေးမြို့တို့တွင် ယာဉ်လမ်းကြောရှင်းလင်းရေးဆောင်ရွက်နေသည့် ယာဉ်ထိန်းရဲတပ်ဖွဲ့ဝင်များအား အကြမ်းဖက်သတ်ဖြတ်သည့်ဖြစ်စဉ်များ ဖြစ်ပွားခဲ့ဖူးသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကမ္ဘောဒီးယားအစိုးရက Facebook တာဝန်ရှိသူတွေကို နိုင်ငံအတွင်းမှ နှင်ထုတ်သွားမယ်လို့ သတင်းထုတ်ပြန်
RELATED POSTS
22 Nov 2024 | မှုခင်း,ပြည်တွင်း
