NSS - ဇူလိုင် ၁

မန္တလေးတိုင်း၊ အောင်မြေသာစံမြို့နယ်တွင် အသက် (၂၁)နှစ်အရွယ် လူငယ်တစ်ဦး မိမိကိုယ်ကို ကြိုးဆွဲချ အဆုံးစီရင်သွားခဲ့ကြောင်း သိရသည်။

ဖြစ်စဉ်မှာ ပြီးခဲ့သော ဇွန်လ ၃ဝ ရက်၊ နံနက် ၉နာရီ ၄ဝမိနစ် အချိန်တွင် အောင်မြေသာစံမြို့နယ်၊ မဟာဇေယျဘုံသရက်ကုန်း၊ ၂၃ လမ်းနှင့် ၂၄ လမ်းကြား၊ ၅၆ လမ်းပေါ်ရှိ နေအိမ်တွင်ဖြစ်ပွားခဲ့ကြောင်း သိရသည်။

“သေသေချာချာတော့မသိပါဘူး။ အိမ်အပေါ်ထပ်အခန်းထဲမှာ တစ်ယောက်တည်းနေပြီးတော့ အဆုံးစီရင်လိုက်တာပေါ့”ဟု နန်းတော်ရှေ့လူမှုကယ်ဆယ်ရေးအဖွဲ့က တာဝန်ရှိသူတစ်ဦးက NP news ကိုပြော သည်။

ကြိုးဆွဲချသေဆုံးသူသည် အသက်(၂၁)နှစ်အရွယ် မောင်ဘုန်းဟိန်းအောင်ဖြစ်ကြောင်း အဆိုပါ လူမှုကယ်ဆယ်ရေးအသင်းထံမှ သိရှိရသည်။

လက်ရှိတွင် အဆိုပါသေဆုံးသူ၏ ရုပ်အလောင်းကို နန်းတော်ရှေ့လူမှုကယ်ဆယ်ရေးအဖွဲ့မှ မန္တလေးပြည်သူ့ဆေးရုံကြီးသို့ ပို့ဆောင်ထားရှိကြောင်း သိရသည်။