NSS - ဇွန် ၃ဝ

မန္တလေးတိုင်း၊ ငါန်းဇွန်မြို့နယ်၌ အမျိုးသမီးတစ်ဦးကို PDF အဖွဲ့မှ သေနတ်ဖြင့်ပစ်သတ်၍ ဆိုင်ကယ်နှင့်ငွေသားအပါအဝင်အခြားပစ္စည်းများ လုယက်ယူဆောင်မှု ဖြစ်ပွားခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။

ပြီးခဲ့သော ဇွန်လ ၂၇ ရက်၊ မွန်းလွဲ ၃ နာရီအချိန်တွင် မန္တလေးတိုင်း၊ ငါန်းဇွန်မြို့နယ်၊ ကုလကျေးရွာ၌ အထက်ပါကဲ့သို့ ဖြစ်ပွားခဲ့ကြောင်း သိရသည်။

ဖြစ်စဉ်မှာ အဆိုပါကျေးရွာရှိ သေဆုံးသူအမျိုးသမီးနေအိမ်သို့ PDF အဖွဲ့အင်အား (၁ဝ)ဦးခန့်က ဆိုင်ကယ် (၅)စီးဖြင့် ရောက်ရှိလာကာ သေနတ်ဖြင့်ပစ်ခတ်ခဲ့ကြောင်း ရဲတပ်ဖွဲ့မှ ပြောဆိုထားသည်။

ထို့ပြင် နေအိမ်ရှိ လက်ကိုင်ဖုန်း (၁)လုံး၊ ရွှေနားကပ် (၂)ရံ၊ ငွေကျပ်(၁၈)သိန်းနှင့် HONDA 125 ဆိုင်ကယ်(၁)စီးတို့အား PDF အဖွဲ့မှ လုယက်ယူဆောင်သွားခဲ့ကြောင်း သိရသည်။

သေနတ်ဖြင့် ပစ်ခတ်ခံမှုကြောင့် ဒေါ်ဌေးမြင့်(၅၃)နှစ်တွင် ကျည်ထိမှန်ဒဏ်ရာများရရှိကာ အခင်းဖြစ်ပွားရာနေရာ၌ သေဆုံးသွားခဲ့ကြောင်း သိရသည်။