သန့်ဇင် (NSS) - ဇွန် ၃ဝ

ရှမ်းပြည်နယ်(မြောင်ပိုင်း)၊ လားရှိုးမြို့တွင် ကား(၃)စီးနှင့်အတူ ငွေကျပ်သိန်း(၄၃ဝဝ)တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှသတင်းထုတ်ပြန်ထားသည်။

မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ ဇွန်လ ၂၉ ရက်တွင် အထက်ပါကဲ့သို့ ထုတ်ပြန်ထားခြင်းဖြစ်သည်။

ဖြစ်စဉ်မှာ ပြီးခဲ့သော ဇွန်လ ၂၁ ရက်၊ ည ၉နာရီအချိန်တွင် လားရှိုးမြို့၊ အမှတ်(၄)ရပ်ကွက်တွင် ဖမ်းဆီးရမိခဲ့ခြင်းဖြစ်ကြောင်း ထုတ်ပြန်ထားသည်။

အဆိုပါရပ်ကွက်တွင် တူးနိုင်၊ ခွန်ဂျက်(ခ)လိဟောက်၊ အားချုံ(ခ)လျှို့ပိန်းချုံ၊ ယော်ကျိန်ရှန့်နှင့် လောက်ရှုံးတို့ကို ကာလတန်ဖိုး ငွေကျပ်သိန်း(၄၃ဝဝ)တန်ဖိုးရှိ စိတ်ကြွရူးသွပ်ဆေးပြား ၈ ဒသမ ၆ သိန်း၊ မော်တော်ယာဉ် (၃)စီးနှင့်အတူ ဖမ်းဆီးရမိခဲ့ကြောင်း သိရသည်။

ဆက်လက်စစ်ဆေးဖော်ထုတ်ချက်အရ သိမ်းဆည်းရစိတ်ကြွရူးသွပ်ဆေးပြားများကို မိုင်းရယ်မှ လားရှိုးသို့ သယ်ဆောင်ရောင်းဝယ်ခြင်းဖြစ်ကြောင်းလည်း သိရသည်။

ထို့ကြောင့် ၎င်းတို့(၅)ဦးအား ဥပဒေအရအရေးယူထားပြီ ကွင်းဆက်ပြစ်မှုကျူးလွန်သူများကို ဆက်လက်စစ်ဆေးဖော်ထုတ်လျက်ရှိကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သတင်းထုတ်ပြန်ထားသည်။