သန့်ဇင် (NSS) - ဇွန် ၂၈

ရန်ကုန်တိုင်း၊ ဒလမြို့နယ်တွင် အသက်မပြည့်သေးသည့် (၁၅)နှစ်အရွယ် မိန်းကလေးတစ်ဦးကို ပြည့် တန်ဆာအဖြစ် အဓ္ဓမခိုင်းစေပြီး လုပ်အားခခေါင်းပုံဖြတ်ခဲ့သူ(၂)ဦးအား အလုပ်နှင့်ထောင်ဒဏ် (၁ဝ)နှစ် ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။

အဆိုပါလုပ်အားခခေါင်းပုံဖြတ်ခဲ့သူ(၂)ဦးကို ပြီးခဲ့သည့် ဇွန်လ ၂၆ ရက်တွင် တွံတေးခရိုင်တရာရုံးမှအလုပ် နှင့် ထောင်ဒဏ်(၁ဝ)နှစ်ချမှတ်ခဲ့ခြင်းဖြစ်သည်။

ဖြစ်စဉ်မှာ ရန်ကုန်တိုင်း၊ ဒလမြို့နယ်တွင်နေထိုင်သည့် တရားခံနှစ်ဦးက ၎င်းတို့နှင့် တစ်မြို့နယ်တည်း နေထိုင်သည့် အသက်(၁၅)နှစ်အရွယ် မိန်းကလေးတစ်ဦးအား KTVဆိုင်တွင် တစ်လလျှင် ငွေကျပ်သုံးသိန်းခန့်ဖြင့် သန်းရှင်းလုပ်ရမည်ဟုဆိုကာ လိမ်လည်ခေါ်ဆောင်သွားခဲ့ခြင်းဖြစ်သည်။

သို့သော် အဆိုပါ အမျိုးသမီးငယ်အား ပြည့်တန်ဆာအိမ်၌ အတင်းအဓ္ဓမ အလုပ်စေခိုင်း၍ လုပ်အားခများကို ခေါင်းပုံဖြတ်ခဲ့ကြောင်းလည်း ရဲတပ်ဖွဲ့ထံမှ သိရသည်။

ထို့ကြောင့် ပြစ်မှုကျူးလွန်ခဲ့သည် အဆိုပါမြို့နယ်နေ စွမ်းရည်မိုးနှင့် မရန်နိုင်(ခ)ရင်ရင်နိုင်တို့ကို ဒလမြို့မရဲစခန်းက (ပ)၂ဝ/၂ဝ၂၃၊ လူကုန်ကူးမှုဖြင့် အမှုဖွင့်ကာ တွံတေးခရိုင်တရားရုံးသို့ တရားစွဲတင်ပို့ခဲ့ခြင်းဖြစ် ကြောင်း သိရသည်။

လက်ရှိတွင် ၎င်းတရားခံနှစ်ဦးအား လူကုန်ကူမှုတားဆီးနှိမ်နင်းရေး ဥပဒေပုဒ်မ ၃၅ အရ အလုပ်နှင့်ထောင်ဒဏ် (၁ဝ)နှစ်စီ ချမှတ်ခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။