NSS - ဇွန် ၂၇

စစ်ကိုင်းတိုင်း၊ ရေဦးမြို့နယ်၌ ဒဏ်ရာများဖြင့်သေဆုံးနေသည့် အမျိုးသားအလောင်း(၂)လောင်း နှင့် အမျိုးသမီး အလောင်း(၁)လောင်းကို တွေ့ရှိခဲ့ရကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထား သည်။

ပြီးခဲ့သည့် ဇွန်လ ၂၄ ရက်၊ နံနက် ၁ဝ နာရီအချိန်တွင် ရေဦးမြို့နယ်၊ ရွာမိသာ-ညောင်လှကျေးရွာသွား မူးဘောင်လမ်းပေါ်၌ အထက်ပါအလောင်း(၃)လောင်းကို တွေ့ရှိခဲ့ကြောင်း သိရသည်။

အဆိုပါနေရာရှိ အလောင်း(၃)လောင်းတွင် ခန္ဒာကိုယ်အနှံ့၌ ပြတ်ရှဒဏ်ရာများဖြင့်သေဆုံးနေသည်ကို တွေ့ရှိခဲ့ရကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။

အထက်ပါကဲ့သို့ သေဆုံးသူများသည် ရေဦးမြို့နယ်၊ မုတ်စီကျေးရွာအတွင်းနေထိုင်သူများဖြစ်ပြီး ဦးကံ ကောင်း(၇၂)နှစ်၊ ဦးဝင်းဗိုလ်(၄၇)နှစ်နှင့် ဒေါ်စန်းနွယ်(၄၅)နှစ်တို့ဖြစ်ကြောင်း ရဲတပ်ဖွဲ့မှ ဆိုထားသည်။

အဆိုပါ ဖြစ်စဉ်နှင့်ပတ်သက်၍ သေဆုံးသူများကို စစ်ဆေးနိုင်ရန် ရေဦးမြို့နယ်ကုတင်(၁ဝဝ)ပြည်သူ့ဆေးရုံသို့ ပို့ဆောင်ထားရှိခဲ့ကြောင်း ရဲတပ်ဖွဲ့မှ ထပ်မံပြောဆိုထားသည်။