ယွန်း (NSS) - ဇွန် ၂၇

မြန်မာသင်္ဘောသားတစ်ဦးအား ကိုရီးယားနိုင်ငံတွင် မူးယစ်ဆေးဝါးအမှုဖြင့် ဖမ်းဆီးအရေးယူထားကြောင်း ရေကြောင်းပို့ဆောင်‌ရေး ညွှန်ကြားမှုဦးစီးဌာနမှ အသိပေးထုတ်ပြန်ထားသည်။

ရေကြောင်းပို့ဆောင်‌ရေး ညွှန်ကြားမှုဦးစီးဌာန၊ သင်္ဘောသားဌာနခွဲမှ ပြီးခဲ့သည့် ဇွန်လ(၂၁)ရက်တွင် အထက်ပါကဲ့သို့ ထုတ်ပြန်ထားခြင်း ဖြစ်သည်။

ဖြစ်စဥ်မှာ မြန်မာသင်္ဘောသားတစ်ဦးသည် ၎င်း၏ သက်ဆိုင်ရာသင်္ဘောတွင် တာဝန်ထမ်းဆောင်ရန် ထိုင်းနိုင်ငံမှတစ်ဆင့် ကိုရီးယားနိုင်ငံသို့ သွားရောက်စဥ် ဖမ်းဆီးခံခဲ့ရခြင်းဖြစ်ကြောင်း သိရသည်။

၎င်းသည် ထိုင်းနိုင်ငံမှ ကိုရီးယားနိုင်ငံသို့ သွားရောက်ခဲ့ရာ ကိုရီးယားနိုင်ငံလေဆိပ်အကောက်ခွန်မှ ၎င်းနှင့်အတူ သယ်ဆောင်လာသည့် ဆေးခြောက် အဆီပါဝင်သော E-စီးကရက်ကို စစ်ဆေးတွေ့ရှိခဲ့ကြောင်း ထုတ်ပြန်ချက်အရ သိရသည်။

ထို့ကြောင့် ၎င်းအား ကိုရီးယားနိုင်ငံတွင် မူးယစ်ဆေးဝါးအမှုဖြင့် အမှုဖွင့်စစ်ဆေးလျက်ရှိကြောင်း သိရသည်။

အဆိုပါ မြန်မာသင်္ဘောသားသည် ၎င်းဆေးခြောက်အဆီကို ထိုင်းနိုင်ငံမှ ဝယ်ယူသယ်ဆောင်ခဲ့ခြင်းဖြစ်သည်ဟု ထွက်ဆိုထားကြောင်း သက်ဆိုင်ရာ SRPS ၏ တင်ပြချက်အရ သိရသည်ဟု ထုတ်ပြန်ချက်တွင် ဖော်ပြထားသည်။