ဖာပွန်မြို့နယ်သစ်တောဦးစီးမှူးရုံးအား လက်နက်ကိုင်သောင်းကျန်းသူအဖွဲ့မှ မီးရှို့ဖျက်ဆီး
NSS - ဇွန် ၂၆
ကရင်ပြည်နယ်၊ ဖာပွန်မြို့ရှိ မြို့နယ်သစ်တောဦးစီးမှူးရုံးအား လက်နက်ကိုင်သောင်းကျန်းသူအဖွဲ့မှ မီးရှို့ဖျက်ဆီးသွားခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။
ပြီးခဲ့သည့် (ဇွန်လ ၂၂ ရက်)၊ ည ၁၁နာရီ အချိန်တွင် ကရင်ပြည်နယ်၊ ဖာပွန်မြို့နယ်၊ အမှတ်(၁)ရပ်ကွက်ရှိ မြို့နယ်သစ်တောဦးစီးမှူးရုံး၌ ဖြစ်ပွားခဲ့ကြောင်းသိရသည်။
ဖြစ်စဉ်မှာ ဖာပွန်လက်နက်ကိုင်သောင်းကျန်သူအဖွဲ့မှ အဆိုပါရုံးအား အကြောင်းမဲ့လာရောက်မီးရှို့သွားခဲ့ကြောင်း ရဲတပ်ဖွဲ့မှ ထုတ်ပြန်ထားသည်။
ထို့သို့ မီးရှို့ဖျက်ဆီးခံရမှုကြောင့် အလျား ပေ(၆ဝ)၊ အနံ(၂၅)ပေ၊ သွပ်မိုးပျဉ်ကာ (၁)ထပ် အဆောက်အဦးဖြစ်သည့် ဖာပွန်မြို့နယ်သစ်တောဦးစီမှူးရုံး မီးလောင်ပျက်စီးသွားခဲ့ကြောင်း သိရသည်။
လက်ရှိတွင် အဆိုပါမြို့နယ်သစ်တောဦးစီးမှူးရုံးအား မီးရှို့ဖျက်ဆီးခဲ့သည့် အကြမ်းဖက်သမားများအား ဥပဒေနှင့်အညီ အပြစ်ပေးအရေးယူနိုင်ရေး ဆောင်ရွက်လျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာသင်္ဘောသားတစ်ဦး ကိုရီးယားနိုင်ငံတွင် မူးယစ်ဆေးဝါးအမှုဖြင့် ဖမ်းဆီးခံရ
RELATED POSTS
22 Nov 2024 | မှုခင်း,ပြည်တွင်း
