ယွန်း (NSS) - ဇွန် ၂၄

မနက်ဖြန်(ဇွန်လ ၂၅ ရက်)တွင် မင်္ဂလာတောင်ညွန့်မြို့နယ်နှင့် တာမွေမြို့နယ်တို့ရှိ ရပ်ကွက်အချို့၌ ယာယီဓာတ်အားပြတ်တောက်မည်ဖြစ်ကြောင်း ရန်ကုန်လျှပ်စစ်ဓာတ်အားကော်ပိုရေးရှင်း(YESC)မှ ထုတ်ပြန်ထားသည်။

ရန်ကုန်လျှပ်စစ်ဓာတ်အားကော်ပိုရေးရှင်း(YESC)မှ ယနေ့(ဇွန်လ ၂၄ ရက်)တွင် အထက်ပါကဲ့သို့ အသိ ပေးထုတ်ပြန်ထားခြင်းဖြစ်သည်။

ရန်ကုန်အရှေ့ပိုင်းခရိုင်၊ မြို့နယ်များမှ ခရိုင်စုဖွဲ့အင်အားဖြင့် 66kV သီတာ(၁+၂)ဓာတ်အားလိုင်းနှင့်မလွတ်ကင်းသော သစ်ပင်သစ်ကိုင်းများ ခုတ်ထွင်ရှင်းလင်းခြင်းကို ဆောင်ရွက်သွားမည်ဖြစ်ကြောင်း သိရသည်။

အဆိုပါ ဆောင်ရွက်မှုများကို ဇွန်လ(၂၅)ရက်တွင် နံနက်(၉)နာရီ မှ နေ့လည်(၁)နာရီအထိ ဆောင်ရွက်မည်ဖြစ်ကြောင်း YESC မှ ဆိုထားသည်။

ထို့ကြောင့် လုပ်ငန်းဆောင်ရွက်နေစဉ်အတွင်း မင်္ဂလာတောင်ညွန့်မြို့နယ် နှင့်တာမွေမြို့နယ်ရှိ ရပ်ကွက်နေရာအချို့တွင် ယာယီဓာတ်အားပြတ်တောက်မည်ဖြစ်ကြောင်း ထုတ်ပြန်ချက်အရ သိရသည်။

ရန်ကုန်လျှပ်စစ်ဓာတ်အားကော်ပိုရေးရှင်းအနေဖြင့် ဓာတ်အားပြတ်တောက်ချိန်ကြာမြင့်မှုမရှိစေရေးနှင့် ဓာတ်အားပြတ်ဧရိယာ လျော့နည်းစေရေးအတွက် အလေးထားဆောင်ရွက်သွားမည်ဖြစ်ကြောင်း အသိပေးပြောဆိုထားသည်။