သန့်ဇင် (NSS) - ဇွန် ၂၁

ကရင်ပြည်နယ်၊ သံတောင်ကြီးမြို့ရှိ မြိုနယ်ပညာရေးမှူးရုံးအား လက်နက်ကိုင်သောင်းကျန်းသူအဖွဲ့မှ လာရောက်မီးရှို့သွားခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။

ယမန်နေ့ (ဇွန်လ ၂ဝ ရက်)၊ နံနက် (၁)နာရီအချိန်တွင် ကရင်ပြည်နယ်၊ သံတောင်ကြီးမြို့နယ်၊ အမှတ်(၂) ရပ်ကွက်၊ အခြေခံပညာအထက်တန်းကျောင်းအနီးရှိ မြို့နယ်ပညာရေးမှူးရုံး၌ ဖြစ်ပွားခဲ့ကြောင်းသိရသည်။

ဖြစ်စဉ်မှာ အဆိုပါရုံးသို့ လက်နက်ကိုင်သောင်းကျန်းသူအဖွဲ့မှရောက်ရှိလာပြီး အကြောင်းမဲ့မီးရှို့ဖျက်ဆီးသွားခဲ့ကြောင်း ရဲတပ်ဖွဲ့မှပြောဆိုထားသည်။

ထို့ကြောင့် အဆိုပါရုံး မီးလောင်မှုဖြစ်ပွားခဲ့သဖြင့် လုံခြုံရေးတပ်ဖွဲ့ဝင်များ၊ ကျောင်းဆရာ၊ ဆရာမများ နှင့် ဒေသခံပြည်သူများက (၁)နာရီခွဲခန့် မီးငြှိမ်းသတ်ခဲ့ရကြောင်း သိရသည်။

မီးရှို့ဖျက်ဆီးခံရမှုကြောင့် မြို့နယ်ပညာရေးမှူးရုံးအတွင်းရှိ RC ၂ ထပ်ဆောင်၏ သွပ်များ၊ မျက်နှာြက်များ၊ တံခါးများ၊ ရုံးသုံးစာရွက်စာတန်းများ၊ စာရေးကိရိယာများအပါအဝင် အခြားရုံးသုံးပစ္စည်းများ ပျက်စီးဆုံးရှုံးသွားခဲ့ကြောင်း သိရသည်။

လက်ရှိတွင် ပါဝင်ပတ်သက်သူများအား ဖော်ထုတ်ဖမ်းဆီး၍ ဥပဒေနှင့်အညီ အပြစ်ပေးအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။