ယွန်း (NSS) - ဇွန် ၂ဝ

အာဇာနည်နေ့အတွက် ကြိုတင်ပြင်ဆင်မှုများဆောင်ရွက်မည်ဖြစ်၍ ဗိုလ်ချုပ်အောင်ဆန်းပြတိုက်အား ရက်(၂ဝ)ကျော်ကြာ ခေတ္တပိတ်ထားမည်ဖြစ်ကြောင်း သိရသည်။

ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ ယခုရက်ပိုင်းအတွင်း အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။

(၇၆)နှစ်မြောက် အာဇာနည်နေ့ အထိမ်းအမှတ် အထူးပြပွဲခင်းကျင်းပြသရန် ကြိုတင်ပြင်ဆင်မှု လုပ်ငန်းများဆောင်ရွက်မည်ဖြစ်၍ ဗိုလ်ချုပ်အောင်ဆန်းပြတိုက်(ရန်ကုန်)အား ခေတ္တပိတ်ထားမည်ဖြစ်ကြောင်း ထုတ်ပြန်ချက်အရ သိရသည်။

ကြိုတင်ပြင်ဆင်မှုများကြောင့် ဗိုလ်ချုပ်အောင်ဆန်းပြတိုက်(ရန်ကုန်)ကို လာမည့် ဇွန်လ(၂၇)ရက်မှ ဇူလိုင်လ(၁၈)ရက်အထိ ရက်ပေါင်း (၂ဝ)ကျော် ခေတ္တပိတ်ထားမည်ဖြစ်ကြောင်း သိရသည်။

အာဇာနည်နေ့(ဇူလိုင်လ ၁၉ ရက်)ရောက်မှသာ ဗိုလ်ချုပ်အောင်ဆန်းပြတိုက်(ရန်ကုန်) အပါအဝင် ဗိုလ်ချုပ်အောင်ဆန်းနေအိမ်ပြတိုက် (နတ်မောက်)တို့ကို ယခင်နှစ်များအတိုင်း အခမဲ့ဝင်ရောက် လေ့လာခွင့်ပြုမည်ဖြစ်ကြောင်း ထုတ်ပြန်ချက်အရ သိရသည်။