စော(NSS) - ဇွန် ၁၈

ရန်ကုန်တိုင်း၊ သာကေတမြို့နယ်တွင် ကားတစ်စီးက အရှိန်လွန်ကာ ဆိုင်ခန်းတစ်ခုအား ဝင်တိုက်ခဲ့ကြောင်း သတင်းရရှိသည်။

ဖြစ်စဉ်မှာ ယမန်နေ့ (ဇွန်လ ၁၇ ရက်)၊ ည(၁၂)နာရီဝန်းကျင်အချိန်တွင် သာကေတမြို့နယ်၊ ရှုခင်းသာလမ်းမကြီး ၄၉ အစိမ်းဂိတ်မှတ်တိုင်အနီး၌ အထက်ပါကဲ့သို့ဖြစ်ပွားခဲ့ကြောင်း သာကေတမြို့နယ်လူမှုကူညီရေးအသင်းထံမှ သိရသည်။

သန်လျင်မှ မြို့ထဲဘက်သို့ အသက် (၂၅)နှစ်ဝန်းကျင် အမျိုးသမီး မောင်းနှင်ပြီး အဖော်အမျိုးသမီးလိုက်ပါလာသည့် HONDA FIT အမျိုးအစားကားသည် အရှိန်လွန်ကာ ဆိုင်ခန်းအား ဝင်တိုက်ခဲ့ခြင်းဖြစ်ကြောင်း သိရသည်။ 

“အဲ့ဒီအချိန်က မိုးကလည်း ရွာနေတယ်။ နောက်ပြီး ညလည်းဖြစ်တော့ ကားစလစ်ဖြစ်ပြီး ဆိုင်ခန်းထဲဝင်သွားတာပါ။ ဆိုင်ခန်းထဲမှာ အိပ်နေတဲ့ ဝန်ထမ်းတစ်ဦးတော့ ထိခိုက်ဒဏ်ရာရသွားတယ်။ သိပ်တော့မစိုးရိမ်ရပါဘူး” ဟု သာကေတမြို့နယ်လူမှုကူညီရေးအသင်းမှ တာဝန်ရှိသူတစ်ဦးက NP News ကိုပြော သည်။

ဒဏ်ရာရရှိသူအမျိုးသားသည် အသက်(၄ဝ)ဝန်းကျင်အရွယ်ရှိပြီး ထိခိုက်ဒဏ်ရာသည် စိုးရိမ်စရာအခြေ အနေမရှိကြောင်း သိရသည်။

သို့သော် ကားမောင်းနှင်သူနှင့် အဖော်လိုက်ပါလာသူတို့သည့် ထိခိုက်ဒဏ်ရာ ရရှိခဲ့ခြင်းမရှိကြောင်း သိရ သည်။

အလားတူ သာကေတမြို့နယ်၊ မြင်သာလမ်းမကြီးပေါ်၌ ယမန်နေ့(ဇွန်လ ၁၇ ရက်)၊ ညနေ(၄)နာရီခွဲအချိန်တွင် စိတ်မနှံသည့် အမျိုးသားတစ်ဦး ကားတိုက်ခံရမှုဖြစ်ပွားခဲ့ပြီး မစိုးရိမ်ရကြောင်း သိရသည်။