စော (NP News) - ဇွန် ၇

မန္တလေးတိုင်း၊ ပြည်ကြီးတံခွန်မြို့နယ်တွင် (၆)ဘီးကားနှင့် ဆိုင်ကယ်တိုက်မိ၍ ဆိုင်ကယ်မောင်းသည့် အမျိုးသား(၁)ဦး သေဆုံးခဲ့ကြောင်း သိရသည်။

ဖြစ်စဉ်မှာ ယမန်နေ့(ဇွန်လ ၆ ရက်)၊ ညန(၃)နာရီတွင် ပြည်ကြီးတံခွန်မြို့နယ်၊ (၅၆)လမ်း၊ (၁၁၆/၁၁၇) ကြား၌အထက်ပါကဲ့သို့ဖြစ်ပွားခဲ့ကြောင်း မြရည်နန္ဒာလူမှုကူညီရေးအသင်းထံမှ သိရသည်။

“(၆)ဘီးကားကလည်း ဘရိတ်ပေါက်သွားတယ်။ ဆိုင်ကယ်ကလည်း အရှိန်မထိန်းနိုင်ဘဲ မျက်နှာချင်းဆိုင်တိုက်ကြတာပါ။ ဆိုင်ကယ်ပေါ်မှာ တစ်ယောက်ထဲပါတာပါ။ ဦးခေါင်းပွင့်ပြီး ဦးနှောက်တွေအကုန်ထွက်ပြီး ဆုံးသွားပါတယ်”ဟု မြရည်နန္ဒာလူမှုကူညီရေးအသင်းမှ တာဝန်ရှိသူတစ်ဦးက NP News ကိုပြော သည်။ 

ယာဉ်တိုက်မှုကြောင့် အမျိုးသားတစ်ဦးသေဆုံးခဲ့ပြီး ၎င်းနှင့်ပတ်သက်သည့်မည်သည့်အချက်အလက်မှ မသိရသေးကြောင်း သိရသည်။

လက်ရှိတွင် ၎င်း၏ရုပ်အလောင်းအား မန္တလေးဆေးရုံကြီး ရင်ခွဲရုံသို့ ပို့ဆောင်ထားကြောင်း သိရသည်။