Pearl (NP News) - ဇွန် ၃

တီးတိန်မြို့ရှိ အခြေခံပညာအထက်တန်းကျောင်းအား အကြမ်းဖက်သမားများမှ လက်လုပ်ရီမုမိုင်းဖြင့် မိုင်းထောင်ဖောက်ခွဲခဲ့ကြောင်း နစကမှ ထုတ်ပြန်ထားသည်။ 

ဖြစ်စဉ်မှာ ယမန်နေ့ (ဇွန်လ ၂ရက်)၊ နံနက်ပိုင်းတွင် ချင်းပြည်နယ်၊ တီးတိန်မြို့ရှိ အခြေခံပညာ အထက် တန်းကျောင်း(ခွဲ)(မြို့မ)တွင် ဖြစ်ပွားခဲ့ကြောင်း သိရသည်။ 

အဆိုပါကျောင်း၌ ဆရာမ (၁၆) ဦး၊ ကျောင်းသား/ကျောင်းသူ (၁၃၉) ဦး၊ စုစုပေါင်း (၁၇ဝ) ဦး ဖွင့်လှစ်ပညာသင်ကြားပေးလျက်ရှိပြီး အကြမ်းဖက်သမားများသည် အဆိုပါကျောင်း၏ဝင်ပေါက်အနီး၌ လက်လုပ်ရီမုမိုင်း (၂)လုံးဖြင့် ဖောက်ခွဲခဲ့ကြောင်း နစကမှ ဆိုသည်။ 

ထိုသို့ ဖောက်ခွဲခံရမှုကြောင့် ပေါက်ကွဲမှုဖြစ်ပွားခဲ့သော်လည်း ကျောင်းအဆောက်အဦးနှင့် ကျောင်းသား၊ ကျောင်းသူများ ပျက်စီးထိခိုက်ဒဏ်ရာရရှိမှုမရှိကြောင်း သိရသည်။ 

လက်ရှိတွင် ကျူးလွန်သူများအား အမြန်ဆုံးဖမ်းဆီးဖော်ထုတ်နိုင်ရေးအတွက် လုံခြုံရေးတပ်ဖွဲ့ဝင်များက ပြည်သူများနှင့်ပူးပေါင်း၍ စုံစမ်းဖော်ထုတ်လျက်ရှိကြောင်း နစကမှ ထုတ်ပြန်ထားသည်။