Pika (NSS) - နိုဝင်ဘာ ၂၁

တောင်ကိုရီးယားနာမည်ကျော် အမျိုးသမီးအဆိုတော်အဖွဲ့ BLACKPINK ၏ အဖွဲ့ဝင်တစ်ဦးဖြစ်သူ လီဆာသည် ၎င်းရ၏ပထမဆုံးတစ်ကိုယ်တော်အယ်လ်ဘမ် 'ALTER EGO' အတွက် မျက်နှာဖုံးကို နောက်ဆုံးတွင် ထုတ်ပြန်ပြသလိုက်ပြီ ဖြစ်သည်။

တစ်ကိုယ်တော်ခရီးကို စတင်ခဲ့ပြီးပြီဖြစ်သော လီဆာသည် ၎င်း၏လာမည့်တစ်ကိုယ်တော်အယ်လ်ဘမ်အတွက် မျက်နှာဖုံးအနုပညာကို နောက်ဆုံးတွင် ယခုကဲ့သို့ထုတ်ပြန်ပြသခဲ့ခြင်းဖြစ်သည်။ နောက်ဆုံးထုတ်ပြန်ချက်များအရ လီဆာ၏ ပထမဆုံးတစ်ကိုယ်တော် အယ်လ်ဘမ်သည် (၂၀၂၅)ခုနှစ် ဖေဖော်ဝါရီလ(၂၈)ရက်တွင် ထွက်ရှိလာတော့မည်ဖြစ်ကြောင်း သိရသည်။ ထို့ပြင် လီဆာသည်  Billboard ၏ပထမဆုံး ကမ္ဘာလုံးဆိုင်ရာမျက် နှာဖုံးတွင် ပါဝင်လာသည့် ကြယ်ပွင့်တစ်ဦးဖြစ်လာခဲ့ကြောင်းလည်း သိရသည်။

အမေရိကန်၊ ဆော်ဒီအာရေးဗီးယား၊ အာဂျင်တီးနား၊ ဘရာဇီး၊ ကနေဒါ၊ အီတလီ၊ တောင်ကိုရီးယား နှင့် ဖိလစ်ပိုင်တို့တွင် ထုတ်ဝေမည့် နိုင်ငံတကာ Billboard တေးဂီတမဂ္ဂဇင်း(၁၀)စောင်၏ (၂၀၂၄)ခုနှစ် နိုဝင်ဘာလအတွက် မျက်နှာဖုံးတွင် လီဆာကပါဝင်လာခဲ့ခြင်းဖြစ်ကြောင်းလည်း သိရသည်။ လီဆာသည် လူသိများသော ဒရမ်မာဇာတ်လမ်းတွဲ “The White Lotus” season 3 တွင် ပွဲဦးထွက်ပါဝင်လာတော့မည်လည်း ဖြစ်သည်။BlackPink အဖွဲ့ဝင် ဂျင်းနီသည် အမေရိကန် ဒရမ်မာဇာတ်လမ်းတွဲ The Idol ဖြင့် ဟောလိဝုဒ်သို့ စတင်ခြေချခဲ့ပြီးနောက် လီဆာက ဟောလိဝုဒ်သို့ ယခုကဲ့သို့ထပ်မံခြေချခဲ့ခြင်းဖြစ်သည်။

"The White Lotus” ဇာတ်လမ်းတွဲသည် ဇိမ်ခံ White Lotus Resort Hotel ၏ နောက်ခံဖြစ်ရပ်များကို ရောယှက်ထားသော ဇာတ်လမ်းများဖြင့် လူသိများကျော်ကြား ကြောင်းသိရသည်။ “The White Lotus” ဇာတ်လမ်းတွဲသည် ချီးကျူးမှု အများအပြားကိုလည်း ရရှိခဲ့ပြီး ၂၀၂၂ ခုနှစ်တွင် ပြုလုပ်သော (၇၄)ကြိမ်မြောက် Emmy Awards တွင် ဆု(၁၀)ဆုကို ရရှိခဲ့ကြောင်းလည်းသိရသည်။ ထင်ရှားသည့်အချက်တစ်ချက်မှာ “The White Lotus” season 3 ကို လီဆာ၏မွေးရပ်မြေဖြစ်သည့် ထိုင်းနိုင်ငံတွင် ရိုက်ကူးမည်ဖြစ်ကြောင်းလည်း သိရသည်။ ထို့ပြင် လီဆာသည် ၎င်း၏ကိုယ်ပိုင်ဖျော်ဖြေ ရေးကုမ္ပဏီ LIoud ကို ယခုနှစ် အစောပိုင်းတွင်တည်ထောင်ခဲ့ ကြောင်းလည်းသိရသည်။