Pika (NSS) - အောက်တိုဘာ ၂၄

အစားအသောက်များကို အမြန်စားပြသည့် ကနေဒါနိုင်ငံမှအမျိုးသားတစ်ဦးသည် အချိန်(၃)မိနစ်အတွင်း အချဉ်ရည် (၂)ပေါင်(၇)အောင်စကို အောင်မြင်စွာစားပြနိုင်ခဲ့ပြီးနောက် ကမ္ဘာ့ဂင်းနစ်စံချိန် သစ်တင်နိုင်ခဲ့ကြောင်းသိရသည်။ အစားအသောက် များကို အမြန်စားပြခြင်းနှင့် သောက်ပြခြင်းတို့အတွက် ကမ္ဘာ့ဂင်းနစ်စံချိန်မှတ်တမ်းများစွာကိုရရှိထားသူ မိုက်ခ်ဂျက်သည် အချိန်(၃)မိနစ်အတွင်း အချဉ်ရည် အများဆုံးစားပြနိုင်ခဲ့ခြင်းအတွက် ကမ္ဘာ့ဂင်းနစ်စံချိန် ရရှိခဲ့ခြင်းဖြစ်သည်။

မိုက်ခ်ဂျက်သည် လန်ဒန်မြို့ရှိ ကမ္ဘာ့ဂင်းနစ်စံချိန်မှတ်တမ်းရုံးချုပ်တွင် Capri Sun ဖျော်ရည် ကို အမြန်ဆုံးသောက်ပြနိုင်ခဲ့သည့်ဂင်းနစ်စံချိန်ကို ချိုးဖျက်နိုင်ခဲ့ပြီးနောက် ယခုလိုဂင်းနစ်စံချိန်တစ်ခုထပ် မံတင်နိုင်ခဲ့ခြင်းဖြစ်သည်။ မိုက်ခ်ဂျက်သည် Capri Sun ဖျော်ရည်ကိုအမြန်ဆုံးသောက်ပြနိုင်သည့် ဂင်း နစ်စံချိန်ကိုချိုးဖျက်ခဲ့သည့်နေ့တွင်ပင် အချိန်(၃)မိနစ်အတွင်း အချဉ်ရည်အများဆုံးစားပြနိုင်ခဲ့သည့် ဂင်းနစ်စံချိန်ကိုသစ်ကို တင်ခဲ့ခြင်းဖြစ်သည်။

ထို့ပြင် မိုက်ခ်ဂျက်သည် အချဉ်ရည်(၂)ပေါင်(၇)အောင်စကို ပေးထားသည့်အချိန်အတွင်း ပြီးအောင်စားနိုင်ရန်အတွက် ဇွန်းကိုအသုံးပြုခဲ့ ကြောင်းလည်းသိရသည်။ မိုက်ခ်ဂျက်က"လူအတော် များများက ဒီစိန်ခေါ်မှုကိုလုပ်မယ်ဆိုရင် ကျွန်တော့်ရဲ့ ခန္ဓာကိုယ်က ပူလောင်နေလိမ့်မယ်လို့ပြောကြပါ တယ်။ ဒါပေမဲ့ ဒီလိုစိန်ခေါ်မှုမျိုးကို ကျွန်တော်အရင်က တစ်ခါမှမလုပ်ခဲ့ဖူးပါဘူး။ ဒါက မျိုးရိုးဗီဇပြောင်းလဲမှု တစ်ခုလိုပါပဲ။ ဒါက ကျွန်တော်ရဲ့စူပါပါဝါလို့ပဲထင်ပါ တယ်"ဟုပြောဆိုခဲ့သည်။