ဂျန်ဇက် (NSS) - အောက်တိုဘာ ၁၉

အာဆီယံ အဖွဲ့အနေဖြင့် အငြင်းပွားမှုများ ဖြစ်ပွားနေသည့် တောင်တရုတ်ပင်လယ်အရေး နှင့် ပတ်သက်ပြီး ပိုမိုထုတ်ဖော်ပြောဆိုကြရန် နှင့် Code of Conduct အကောင်ထည်ဖော်ရေးကို အမြန်ဆုံး ဝိုင်းဝန်းကြိုးပမ်းရန် ဖိလစ်ပိုင်အစိုးရက တိုက်တွန်းတောင်းဆိုလိုက်သည်။ 

ဖိလစ်ပိုင်နှင့် တရုတ်နိုင်ငံတို့သည် ပြီးခဲ့သော နှစ်ပိုင်းအတွင်း တောင်တရုတ်ပင်လယ်အရေး နှင့် ပတ်သက်ပြီး အငြင်းပွားမှုအရှိန်မြင့်တက်နေကာ ထိပ်တိုက်တွေ့ဆုံမှုများဖြစ်နေသည်။ အာဆီယံနိုင်ငံများသည် အငြင်းပွားမှုများကို ငြိမ်းချမ်းစွာ ဖြေရှင်းရန် နိုင်ငံတာဥပဒေများကို လိုက်နာရန် သတိပြုပြောစေလိုကြောင်း ဖိလစ်ပိုင် နိုင်ငံခြားရေးဝန်ကြီး မာနာလိုက ပြောသည်။ အာဆီယံနိုင်ငံများသည် တောင်တရုတ်ပင်လယ်အရေး အပါအဝင် နိုင်ငံတကာဥပဒေများကို လေးစားကျင့်သုံးရာတွင် အဓိကအခန်းဏဏ္ဍက ပါဝင်လုပ်ရန်လိုနေပြီး တောင်တရုတ်ပင်လယ်အရေးကို နုတ်ဆိတ်မနေဘဲ ပြောဆိုထောက်ပြရမည်ဖြစ်ကြောင်း ဝန်ကြီး မာနာလိုက ပြောသည်။

တောင်တရုတ်ပင်လယ်အရေးနှင့်ပတ်သက်ပြီး အာဆီယံနိုင်ငံများဖြစ်သော မလေးရှား ဗီယက်နမ် အင်ဒိုနီးရှား ဘရူးနိုင်းတို့သည် တရုတ်နိုင်ငံနှင့် ပိုင်နက်နယ်မြေ အငြင်းပွားနေကြောင်း သိရသည်။ အငြင်းပွားနေသော တောင်တရုတ်ပင်လယ်အတွင်းရှိ ပိုင်နက်များတွင် ကင်းလှည့်ခြင်း၊ စစ်ရေးလေ့ကျင့်ခန်း လုပ်ဆောင်ခြင်းကို အာဆီယံနိုင်ငံများက ထောက်ခံအားပေးစေလိုကြောင်း ဖိလစ်ပိုင်နိုင်ငံခြားရေးဝန်ကြီးက တောင်းဆိုလိုက်သည်။ တရုတ်က တောင်တရုတ်ပင်လယ်အတွင်းရှိ နယ်မြေအများစုကို ပိုင်ဆိုင်ကြောင်း ကြေညာထားရာ အငြင်းပွားမှုများ ပိုမိုဖြစ်လာခဲ့သည်။