Pika (NSS)- အောက်တိုဘာ ၁၆

ကင်ဆာရောဂါကြောင့် ကုသမှုများခံယူနေရသော ဗြိတိန်အမျိုးသားတစ်ဦးသည် အချိန်(၃)မိနစ်အတွင်း ဒရုန်းများဖြင့် emoji အများဆုံးဖန်တီးပြ နိုင်ခဲ့ခြင်းအတွက် ကမ္ဘာ့ဂင်းနစ်စံချိန်ချိုးဖျက်နိုင်ခဲ့ကြောင်းသိရသည်။ 

ခရစ္စတိုဖာဘရက်ဗျူရီဆိုသူအမျိုး သားသည် ဝေဟင်တွင်ပျံသန်းသည့်အရာဝတ္ထုအား လုံးကို စိတ်ဝင်စားသူတစ်ဦးဖြစ်ပြီး အဆိုပါ စိတ်ဝင်စားမှုများမှာ (၂၀ဝ၇)ခုနှစ်တွင်စတင်ခဲ့ခြင်းဖြစ်ကြောင်း ထုတ်ဖော်ပြောဆိုခဲ့သည်။ ခရစ္စတိုဖာ ဘ ရက်ဗျူရီက ‘ကင်ဆာရောဂါအတွက် ဓာတုကုထုံး တွေခံယူနေတဲ့အချိန် (၂၀ဝ၇)ခုနှစ်မှာ လေယာဉ် မော်ဒယ်တစ်ခုကို ကျွန်တော်စတင်ပျံသန်းခဲ့ပါတယ်။အဲဒါက ကျွန်တော့်ရဲ့ရုပ်ပိုင်းဆိုင်ရာကုထုံးအတွက် ရော၊ စိတ်ကျန်းမာရေးအတွက်ရော ကောင်းမွန်တဲ့အရာတစ်ခုဖြစ်ခဲ့ပါတယ်’ဟု ပြောသည်။

ထို့နောက် အဆိုပါစိတ်ဝင်စားမှုများနှင့်ပတ်သက်ပြီး ၎င်း၏စွမ်းရည်များကို နောက်ပိုင်းနှစ်များတွင် တဖြည်း ဖြည်း တိုးမြင့်လာအောင်လုပ်ဆောင်ခဲ့ကြောင်း ခရစ္စတိုဖာဘရက်ဗျူရီက ပြောကြားခဲ့သည်။ ၎င်းက‘ဒရုန်းကမ္ဘာက အခြေခံအားဖြင့်တော့ ကျွန်တော့်ရဲ့ဘဝတစ်ခုလုံးဖြစ်လာခဲ့ပါတယ်။ ခုအချိန်မှာ တီဗီနဲ့ရုပ်ရှင်တို့အတွက် ဝေဟင်ရိုက်ကူး မှုတွေကို ကျွန်တော်လုပ်နေပါပြီ။ ပြီးတော့ စစ်တမ်းကောက် တဲ့အလုပ်တွေကိုလည်းလုပ်နေပြီး ဒရုန်းတွေအစုလိုက် ပျံသန်းတာကိုလည်း ဆက်လက်လေ့ကျင့် နေပါတယ်’ဟု ပြောဆိုခဲ့သည်။ 

ခရစ္စတိုဖာဘရက်ဗျူရီသည် ၎င်း၏ဒရုန်းအစင်း ရေ(၁၀၉)စင်းကို ခရမ်းချဉ်သီး၊ ဒုံးပျံ၊ သံလိုက်နှင့်အမျိုးမျိုးသော emoji ပုံစံများ ကိုဖန်တီးခဲ့ပြီးနောက် ကမ္ဘာ့ဂင်းနစ်စံ ချိန်ချိုးဖျက်နိုင်ခဲ့ခြင်းဖြစ်ကြောင်းသိရသည်။ ခရစ္စတိုဖာဘ ရက်ဗျူရီသည် အချိန်(၃)မိနစ်အတွင်း emoji အခု (၃၀)ကို ကောင်းကင်ပေါ်တွင်ဖန်တီးပြခဲ့ပြီးနောက် ယခင်စံချိန် ဖြစ်သည့် emoji (၂၄)ခုကို ကျော်တက်ကာ ယခုကဲ့ သို့ စံချိန်ချိုး ဖျက်နိုင်ခဲ့ခြင်းဖြစ်ကြောင်း သိရသည်။