ထိုင်ဝမ်အပေါ် အင်အားသုံးမှုကို စွန့်လွှတ်မှာမဟုတ်ဘူးလို့ တရုတ်အစိုးရသတင်းထုတ်ပြန်
Pika (NSS) - အောက်တိုဘာ ၁၆
ထိုင်ဝမ်အပေါ် အင်အားသုံးမှုကို စွန့်လွှတ်မယ်လို့ ကတိမပေးကြောင်းနဲ့ အဲဒီလုပ်ရပ်ဟာ ပြည်ပအင်အားစုတွေရဲ့ ဝင်ရောက်စွက်ဖက်မှုနဲ့ ခွဲထွက်ရေးသမား လူနည်းစုအတွက်သာ ရည်ရွယ်တာဖြစ်တယ်လို့ တရုတ်ရဲ့ထိုင်ဝမ်ရေးရာရုံးက အောက်တိုဘာလ(၁၆)ရက်မှာ ထုတ်ပြန်ပြောဆိုခဲ့ပါတယ်။
ထိုင်ဝမ်ကို ၎င်းရဲ့ပိုင်နက်နယ်မြေအဖြစ် ရှုမြင်ထားတဲ့ တရုတ်အစိုးရဟာ အောက်တိုဘာလ(၁၄)ရက်က ထိုင်ဝမ်ကျွန်းအနီးတစ်ဝိုက်မှာ ကြီးမားတဲ့စစ်ရေးလေ့ကျင့်မှုတွေကို လုပ်ဆောင်ခဲ့ပြီးနောက် ယခုလိုပြောဆိုချက်တွေ ထွက်ပေါ်လာတာပဲဖြစ်ပါတယ်။ ပြီးခဲ့တဲ့သီတင်းပတ်က ထိုင်ဝမ်သမ္မတလိုင်ချန်တေးရဲ့ မိန့်ခွန်းပြောဆိုမှုတွေအပြီး ခွဲထွက်ရေးဆိုင်ရာလုပ်ရပ်တွေကို သတိပေးတဲ့အနေနဲ့ ယခုလိုစစ်ရေးလေ့ကျင့်မှုတွေကို လုပ်ဆောင်ခဲ့တာဖြစ်တယ်လို့ တရုတ်အစိုးရက ပြောကြားထားပါတယ်။
တရုတ်ရဲ့ ထိုင်ဝမ်ရေးရာရုံးပြောရေးဆိုခွင့်ရှိသူ ချန်းဘင်ဟွာက "ငြိမ်းချမ်းစွာ ပြန်လည်ပေါင်းစည်းရေး အလားအလာတွေအတွက် အစွမ်းကုန်ဆောင် ရွက်သွားဖို့ ကျွန်တော်တို့ဘက်က ဆန္ဒရှိပါတယ်။ ဒါပေမဲ့ ထိုင်ဝမ်အပေါ် အင်အားသုံးမှုကို စွန့်လွှတ်မယ်လို့ ကျွန်တော်တို့ဘယ်တော့မှကတိပေးမှာ မဟုတ်ပါဘူး။ ဒီအင်အားသုံးမှုဟာ ပြည်ပအင်အားစုတွေရဲ့ ဝင်ရောက်စွက် ဖက်မှုနဲ့ ထိုင်ဝမ်ခွဲထွက်ရေးသမား လူနည်းစုအတွက်ကိုပဲ ရည်ရွယ်ထားတာဖြစ်ပါတယ်"လို့ ပြောဆိုခဲ့ပါတယ်။
ဒါ့ပြင် ထိုင်ဝမ်နဲ့ငြိမ်းချမ်းစွာပြန်လည်ပေါင်းစည်းဖို့အတွက် လိုအပ်ပါက အင်အားသုံးဖြေရှင်းသွားမယ်လို့ တရုတ်သမ္မတရှီကျင့်ဖျင်က အကြိမ်ကြိမ်ကတိပြုပြောဆိုခဲ့ဖူးပါတယ်။ တရုတ်အစိုးရရဲ့ပြောဆိုချက်တွေကို ထိုင်ဝမ်အစိုးရက ငြင်းဆန်ပယ်ချထားပြီး ထိုင်ဝမ်ကျွန်းပြည်သူတွေကသာ ၎င်းတို့ရဲ့အနာဂတ်တွေကို ဆုံးဖြတ်နိုင်တယ်လို့ ပြောကြားထားပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကုန်-ဒလတံတားစီမံကိန်း သတ်မှတ်ကာလအတွင်း မပြီးစီးရခြင်းမှာ တောင်ကိုရီးယားနှင့် တရုတ်ကုမ္ပဏီတို့ကြောင့် ဖြစ်နေ
RELATED POSTS
21 Nov 2024 | နိုင်ငံရေး,နိုင်ငံတကာ
20 Nov 2024 | နိုင်ငံရေး,ပြည်တွင်း
20 Nov 2024 | နိုင်ငံရေး,နိုင်ငံတကာ
