ဂျန်ဇက် (NSS) - စက်တင်ဘာ ၂၉

နီပေါနိုင်ငံ ခတ္တမန္တူ အရပ်ဒေသတွင် မိုးသည်းထန်စွာရွာသွန်းမှုများကြောင့်ရေကြီး၊ မြေပြိုမှုများဖြစ်ပွားခဲ့ရာ အနည်းဆုံးလူပေါင်း (၁ဝ၁)ဦးသေဆုံးခဲ့ကြောင်း နီပေါအာဏာပိုင်များ၏ ထုတ်ပြန်ချက်များအရ သိရသည်။ 

နီပေါ ရဲတပ်ဖွဲ့ပြောရေးဆိုခွင့်ရှိသူတစ်ဦးက "သေဆုံးသူအရေအတွက်က (၁ဝ၁)ဦးရှိနေပြီး လူပေါင်းအနည်းဆုံး (၆၄)ဦးပျောက်ဆုံးထားတယ်။သေဆုံးသူအရေအတွက် ဆက်လက်မြင့်တက်လာဖွယ်ရှိနေတယ်။ ရေကြီးမြေပြိုမှုဒဏ်ခံနေရတဲ့ ဒေသကို ကယ်ဆယ်ရေးအဖွဲ့တွေ စေလွှတ်သွားမယ်"ဟု ပြောသည်။ ရေကြီးမှုနဲ့အတူဖြစ်လာခဲ့တဲ့ မြေပြိုမှုများကြောင့်လည်း လူသေဆုံးမှုများကို ပိုမိုမြင့်တက်လာဖွယ်ရှိနေကြောင်း သိရသည်။ရေကြီးမှုဒဏ်ကို ခတ္တမန္တူအရပ်ဒေသနှင့်ပတ်ဝန်းကျင်အရပ်ဒေသများက အဆိုးရွားဆုံးခံစားခဲ့ရကြောင်း သိရသည်။ 

ရေကြီးမှုများကြောင့် မြစ်ရေ တက် မှုများဖြစ်လာခဲ့ရာ မြစ်အနီးနေထိုင်နေသည့် ရွာများ၊အိမ်များ ရေကြီးမှုဒဏ်ကို ပိုမိုခံစားခဲ့ရကြောင်းသိရသည်။ ရေကြီးမှုများကြောင့် အမြန်လမ်းများတွင် သွားလာရေးအတွက်အခက်ခဲဖြစ်နေကြပြီး အတားဆီးများဖြစ်နေကြောင်းသိရသည်။ ရေကြီးမှုများကြောင့် လူအများစုသည် အိမ်ခေါင်မိုးအပေါ်တွင် တက်ရောက်နေထိုင်ခဲ့ရပြီး အဆိုပါလူများကိုကယ်တင်ရန်ကြိုးပမ်းနေရဆဲဖြစ်ကြောင်းသိရသည်။ ရေကြီးမှုကြောင့် မိုးရေချိန်စံချိန်တင်မြင့်တက်နေပြီး မိုးရေချိန် လက်မ(၂ဝဝ)မီလီမီ တာဖြစ်ကြောင်းသိရသည်။