Pika (NSS) - စက်တင်ဘာ ၂ဝ 

အိန္ဒိယနိုင်ငံမှ ကောလိပ်ကျောင်းသားတစ်ဦးသည် ၎င်း၏ဘောပင်ကိုအသုံး ပြုကာ ကမ္ဘာ့အသေးဆုံးဖုန်စုပ်စက်ကို တီထွင်ဖန်တီးခဲ့ပြီးနောက် ကမ္ဘာ့ဂင်းနစ်စံချိန် ချိုးဖျက်နိုင်ခဲ့ကြောင်း သိရသည်။ အသက်(၂၃)နှစ်အရွယ် Tapala Nadamuni သည် ၎င်း၏ဘောပင်ကို (ဝ ဒသမ ၂၅)လက်မသာရှိသော ဖုန်စုပ်စက်အဖြစ် ပြောင်းလဲရန်အတွက် အမေရိကန်ငွေ (၂၃၈)ဒေါ်လာခန့် သုံးစွဲခဲ့ကြောင်း သိရသည်။

အဆိုပါသေးငယ်သော ဖုန်စုပ်စက်ကို four-volt vibration မော်တာဖြင့် စွမ်းအင်ပေးကာ လည်နေသောသေးငယ်သည့်ပန်ကာမှတစ်ဆင့် အမှုန်အမွှားများကို စုပ်ယူနိုင်ကြောင်း Tapala Nadamuni က ပြောကြားခဲ့သည်။

Tapala Nadamuni သည် အလားတူ စံချိန်ကို (၂၀၂၀) ပြည့်နှစ်တွင် ရယူနိုင်ခဲ့ဖူးပြီး အဆို ပါ အချိန်က ( ဝ ဒသမ ၆၉) လက်မသာရှိသော ဖုန် စုပ်စက်ကို တီထွင်ဖန်တီးခဲ့ခြင်းဖြစ်ကြောင်း သိရ သည်။ သို့သော်လည်း နောက်ပိုင်းတွင် ၎င်းဖန်တီးခဲ့ သည့် ဖုန်စုပ်စက်ထက် ( ဝ ဒသမ ဝ၇) လက်မသာ ပိုကြီးသော ဖုန်စုပ်စက်ကို ဖန်တီးသူရှိခဲ့ပြီးနောက် Tapala Nadamuni သည် အဆိုပါ ဂင်းနစ်စံချိန်ကို လက်လွှတ်ခဲ့ရကြောင်းလည်းသိရသည်။

Tapala Nadamuni  က "ကျွန်တော်တို့ ကောလိပ်မှာရှိတဲ့ ကျောင်း သားအားလုံးက ဒီသေးငယ်တဲ့ဖုန်စုပ်စက်နဲ့ပတ်သက်ပြီး အံ့အားသင့်နေခဲ့ ကြတာပါ။ ပြီးတော့ ဒီဖန်တီးမှုက သူတို့မြင်ဖူးသမျှအရာတွေအားလုံးထဲမှာ အလှပဆုံးဖန်တီးမှုတစ်ခုဖြစ် တယ်လို့ ကျွန်တော့်ရဲ့ဆရာ၊ ဆရာမတွေက ပြောကြား ခဲ့ပါတယ်"ဟု ဂင်းနစ်စံချိန်မှတ်တမ်းအဖွဲ့ကို ပြောဆိုခဲ့သည်။