Pika (NSS) - စက်တင်ဘာ ၁၉ 

မှတ်ဉာဏ်အလွန်ကောင်းသော အိန္ဒိယအမျိုး သားတစ်ဦးသည် Euler နံပါတ် ဂဏန်းပေါင်း (၁၄၀ဝဝ)ကို အချိန်(၄၉)မိနစ်အတွင်းရွတ်ပြခဲ့ပြီး နောက် ကမ္ဘာ့ဂင်းနစ်စံချိန်သစ်တင်နိုင်ခဲ့ကြောင်းသိရသည်။ Deepu V ဆိုသည့်အမျိုးသားသည် ကိန်းဂဏန်းများကို စွဲစွဲမြဲမြဲမှတ်နိုင်သော မှတ်ဉာဏ်ရှိကြောင်းလည်းသိရသည်။ 

ယခင်က ၎င်းသည် pi  နံပါတ်ဂဏန်းပေါင်း(၂)ထောင်ကို ရွတ်ဆိုပြခဲ့ပြီး နောက် နိုင်ငံစံချိန်တစ်ခုကို တင်နိုင်ခဲ့ကြောင်းသိရသည်။ ထို့ပြင် ၎င်းသည် တယ်လီဖုန်းနံပါတ်(၅၀ဝ)ခန့်ကို ၎င်း၏မှတ်ဉာဏ်တွင် ထည့်သွင်းမှတ်သား ထားနိုင်ကြောင်းလည်းDeepu V က ပြောကြားခဲ့ သည်။ သို့သော်လည်း ၎င်းသည် Eulerနံပါတ်များ နှင့်ပတ်သက်သည့် ဂင်းနစ်စံချိန်အကြောင်းကို ကြားသိခဲ့ရပြီးနောက် ယခုကဲ့သို့ကြိုးပမ်းရန် ဆုံးဖြတ် ခဲ့ခြင်းဖြစ်ကြောင်းသိရသည်။ 

အဆိုပါကြိုးပမ်းမှု အတွက် ၎င်းသည်အချိန်(၄)လခန့်ကြာအောင် ပြင်ဆင်မှုများလုပ်ဆောင်ခဲ့ပြီး ယခင်စံချိန်ဖြစ်သည့် ဂဏန်းပေါင်း(၁၀၁၂၂)လုံး ရွတ်ပြနိုင်ခဲ့သူကို ကျော်တက်နိုင်ရန်အတွက် အကြိမ်ပေါင်းများစွာ လေ့ကျင့်ခဲ့ရကြောင်းလည်းသိရသည်။ နကူန နံပါတ် သည် (၂ . ၇၁၈၂၈)ဖြင့်စတင်ပြီး  ၎င်း၏နောက် တွင် ဒဿမဂဏန်းအတွဲပေါင်းများစွာရှိကြောင်း လည်းသိရသည်။ Deepu V သည် အဆိုပါဂင်းနစ် စံချိန်ကိုတင်နိုင်ရန် ကြိုးပမ်းစဉ်အချိန်အတွင်း လိမ်လည်မှုမရှိကြောင်းသေချာစေရန်အတွက် နားများကို စစ်ဆေးခံခဲ့ရပြီး မျက်လုံးများကိုလည်း အဝတ်စဖြင့် စည်းထားခဲ့ရကြောင်းသိရသည်။ 

အသက်(၃၃)နှစ်အရွယ် Deepu V  က"ဇယားတစ်ခုမှာ ကော်လံ (၁၀)ခုနဲ့ အတန်း(၂၀)ခုပါရှိပါတယ်။ ကော်လံတစ်ခုစီ တိုင်းမှာ ဂဏန်း(၅)လုံးစီထည့်သွင်းထားပြီး အတန်းပြည့်တစ်ခုရဲ့ ကော်လံတစ်ခုစီမှာ ဂဏန်း ပေါင်း(၅၀)ရှိပါတယ်။ ပြီးတော့ စာမျက်နှာတစ်ခုမှာ အတန်း(၂၀)နဲ့အတူ စုစုပေါင်းဂဏန်းအလုံးရေ(၁)ထောင်ရှိပါတယ်။ အဲဒီလိုစာမျက်နှာပေါင်း(၁၄)ခုနဲ့အတူ ဂဏန်းပေါင်း(၁၄၀ဝဝ)ကို ကျွန်တော်ရွတ် ဆိုပြနိုင်ခဲ့ပါတယ်"ဟုပြောဆိုခဲ့သည်။ Deepu V က ၎င်းသည် တနင်္လာနေ့မှ ကြာသပတေးနေ့အထိ တစ်ရက်လျှင်ဂဏန်းပေါင်း(၂၅၀)ကို အလွတ်ကျတ် မှတ်ခဲ့ကာ အချိန်(၄)လခန့် ပြင်ဆင်ခဲ့ရကြောင်း ပြောကြားခဲ့သည်။ ထို့နောက်Deepu V သည် နကူနမ နံပါတ် ဂဏန်းပေါင်း(၁၄၀ဝဝ)ကို အချိန်(၄၉)မိနစ်အတွင်း အောင်မြင်စွာရွတ်ပြခဲ့ပြီးနောက် ယခုကဲ့သို့ဂင်းနစ်စံချိန်သစ်တင်နိုင်ခဲ့ခြင်းဖြစ်ကြောင်းသိရသည်။