ရောင်နီ (NSS) - စက်တင်ဘာ ၁၇

            အမေရိကန် နာမည်ကျော် တေးဂီတအဖွဲ့ Jackson 5 ရဲ့အဖွဲ့ဝင် ဂစ်တာသမား၊ အဆိုတော် တီတိုဂျက်ဆင်ဟာ အသက်(၇၀)အရွယ်မှာ ကွယ်လွန်သွားခဲ့ပြီဖြစ်တယ်လို့ သူ့ရဲ့မိသားစုက စက်တင်ဘာ ၁၅ ရက်နှောင်းပိုင်းမှာ ပြောကြားခဲ့ပါတယ်။ 

           "ကျွန်တော်တို့ရဲ့ဖခင်၊ Rock & Roll Hall of Famer  တီတိုဂျက်ဆင်ဟာ ကျွန်တော်တို့နဲ့အတူမရှိတော့ကြောင်း ကြေညာလိုက်ပါတယ်"လို့ အစချီထားတဲ့ caption နဲ့ သားဖြစ်သူရဲ့ ဂီတအဖွဲ့ 3T က ဂျက်ဆင်နဲ့အတူ ရိုက်ကူးထားတဲ့ ဓာတ်ပုံနဲ့အတူ Instagram မှာ တင်ခဲ့ပါတယ်။ တီတိုဟာ နယူးမက္ကဆီကိုမှ အိုကလာဟိုမာရှိ ၎င်းရဲ့နေအိမ်သို့ ကားမောင်းပြန်လာနေရင်း  စက်တင်ဘာ ၁၅ ရက်က နှလုံးဖောက် သေဆုံးသွားခဲ့တာ ဖြစ်တယ်လို့ သိရပါတယ်။ 

         တီတိုဟာ မိုက်ကယ်ဂျက်ဆင်၊ ဂျာမိုင်နီဂျက်ဆင်၊ ဂျက်ကီဂျက်ဆင်၊ မာလွန်ဂျက်ဆင်၊ ရန်ဒီဂျက်ဆင် အပါအဝင် ဂျက်ဆင် ၅ ယောက်နဲ့ ဖွဲ့စည်းထားတဲ့ အမျိုးသား တေးဂီတအဖွဲ့ The Jackson 5 ရဲ့ မူလအဖွဲ့ဝင်တစ်ဦးဖြစ်ပြီး သူတို့အဖွဲ့ဟာ "I want you back" "ABC" "Enjoy yourself" ဆိုတဲ့ သီချင်းတွေနဲ့ လူကြိုက်များခဲ့ပါတယ်။