ဂျန်ဇက် (NSS) - စက်တင်ဘာ ၁၄

ထိုင်းနိုင်ငံချင်းရိုင်ပြည်နယ် မယ်ဆိုင်ဒေသအတွင်းရှိ ရေကြီးမှုဒဏ်တွေ့ကြုံခံစားခဲ့ရသူများကို ကူညီပေးမှုများအရှိန်မြင့်လုပ်ဆာင်ရန် ထိုင်းဝန်ကြီးချုပ် ပီတွန်ရှင်နာဝါထရာက အမိန်ပေးလိုက်ကြောင်း သိရသည်။ 

မယ်ဆိုင်ဒေသသို့ ရောက်ရှိလာခဲ့သော ပီတွန်တန်ရှင်နာဝါထရာက "ရေထဲ ပိတ်မိနေတဲ့ ပြည်သူတွေကို အစားအစာနဲ့ ရေတွေ လျင်မြန်စွာကူညီပေးရမယ်"ဟု ပြောသည်။ မဲခေါင်မြစ် ရေစံချိန်တင်မြင့်တက်လာခဲ့ပြီးနောက် ရေကြီးမှုများဖြစ်ပွားခဲ့ရာ ရေထဲတွင် ပိတ်မိနေသူများရှိနေပြီး ပိတ်မိနေသူများကို အစားအစာများပေးပို့နိုင်ခြင်းမရှိသေးကြောင်း သိရသည်။ အချို့အရပ်ဒေသများတွင် ရေထဲပိတ်မိနေသူများကို ရဟတ်ယာဉ်များဖြင့် ကယ် တင်ပေးခဲ့ကြောင်းသိရသည်။ ရေကြီးမှုဒဏ်ကို ထိုင်းနိုင်ငံမြောက်ပိုင်း အရပ်ဒေသများက အဆိုးရွားဆုံးခံစားနေရကြောင်း သိရသည်။ ရေကြီးမှုများနှင့်အတူ မြေပြိုမှုများလည်းဖြစ်ပွားခဲ့ရာ လူသေဆုံးမှုများဖြစ်ပွားခဲ့ပြီး အနည်းဆုံး (၄)ဦးသေဆုံးထားကာ အိမ်ထောင်စုပေါင်း ၄၅၃၀၀ ခန့် သက်ရောက်မှုများရှိနေကြောင်း သိရသည်။

မဲခေါင်မြစ်တစ်လျှောက်နေထိုင်နေသူများသည် ရေကြီးမှုဒဏ်ကို အဆိုးရွားဆုံးတွေ့ကြုံနေရကြောင်း သိရသည်။ ရေကြီးမှုများကြောင့် ပိတ်မိနေသူအနည်းဆုံး (၃၀၀)ခန့်ရှိနေပြီး ၎င်းတို့ကိုအမြန်ဆုံး ပြန်ကယ်တင်ရန် ထိုင်းဝန်ကြီးချုပ်က သတိပေးထားကြောင်းသိရသည်။