ဂျန်ဇက် (NSS) -  စက်တင်ဘာ ၁ဝ

အမေရိကန်သမ္မတဟောင်း ဒေါ်နယ်ထရမ့်သည် နိုဝင်ဘာလအတွင်းကျင်းပမည့် အမေရိကန် သမ္မတ ရွေး ကောက်ပွဲတွင် ပြိုင်ဘက်ဖြစ်သူ ဒီမိုကရက်တစ်ပါတီသမ္မတလောင်း ကာမာလာဟာရစ်ကို အနိုင်ရဖွယ်ရှိနေကြောင်း အမေရိကန် ရွေးကောက်ပွဲ လေ့လာစောင့်ကြည့်နေသူများထဲတွင်ဩဇာကြီးမားသူ တစ်ဦးက သုံးသပ်ပြောဆိုလိုက်သည်။

အမေရိကန်သမ္မတရွေးကောက်ပွဲလေ့လာ စောင့်ကြည့်သူများတွင် ဩဇာကြီးမားသူတစ်ဦးဖြစ်သည့် နာတီဆေးလ်ဗားက ရီပတ်ဘလီကန်ပါတီ၏သမ္မတလောင်းသည် ရွေး ကောက်ပွဲအတွင်း အနိုင်ရရှိ ရန်(၅၈)ရာခိုင်နှုန်းရှိနေကြောင်း ပြောသည်။ မကြာ သေးမီကပြုလုပ်ခဲ့သော စစ်တမ်းအချို့တွင် အမေရိ ကန်ဒုတိယသမ္မတဖြစ်သူ ကာမာလာဟာရစ်သည် ဒေါ်နယ်ထရမ့်ထက် အနည်းငယ်အသာရရှိထား ကြောင်း ဖော်ပြကြသော်လည်း နာတီဆေးလ်ဗားကမူ ဒေါ်နယ်ထရမ့် အနိုင်ရမည်ဟု ခန့်မှန်းထား သည်။ နာတီဆေးလ်ဗားသည် မကြာသေးမီက ဒေါ် နယ်ထရမ့် နှင့် ကာမာလာဟာရစ်ကြား ရွေးကောက်ပွဲ တွင် မည်သူအနိုင်ရနိုင်ခြေများသည်ဆိုသောအချက် ကို စစ်တမ်းကောက်ယူခဲ့ရာ ဒေါ်နယ်ထရမ့် အနိုင်ရ နိုင်ခြေများသည်ဟု ဖြေဆိုခဲ့သူအရေအတွက် (၅၈ ဒသမ ၂)ရာခိုင်နှုန်းရှိနေကြောင်း သိရသည်။ နာတီ ဆေးလ်ဗားက ကာမာလာဟာရစ်သည် ပြီးခဲ့သော သီတင်းပတ်သုံးပတ်ကျော်တွင် ဒီမိုကရက်တစ်ပါတီ ၏ သမ္မတလောင်းအဖြစ် ရွေးချယ်ခံရသော်လည်း သမ္မတလောင်းအချင်းချင်း နှိုင်းယှဉ်မည်ဆိုလျှင် ဒေါ်နယ်ထရမ့်လောက် အားကောင်းမှုမရှိကြောင်း ပြောသည်။

ဆေးလ်ဗားက လက်ရှိအချိန်တွင် ပြုလုပ် သော စစ်တမ်းများနှင့်ပတ်သက်ပြီး အခက်ခဲအရှုပ် ထွေးများရှိနေရာ အတိအကျပြောဆိုသတ်မှတ်ရန်မ ဖြစ်နိုင်ကြောင်း ပြောသည်။ လက်ရှိအချိန်တွင် ကောက်ယူထားသည့် စစ်တမ်းများအရ ကာမာလာ ဟာရစ်သည် ရေပန်းစားနေသော်လည်း ရွေးကောက် ပွဲကျင်းပမည့်အချိန်တွင် ရေပန်းစားမှုလျော့နည်းကျဆင်းလာဖွယ်ရှိနေကြောင်း နာတီဆေးလ်ဗားက ပြောသည်။ နာတီဆေးလ်ဗား တည်ထောင်ထားသည့် စစ် တမ်းကောက်ယူရေးအဖွဲ့ဖြစ်သောFive Thirty Eight  အဖွဲ့ကလည်း လက်ရှိအချိန်တွင် သမ္မတရွေး ကောက်ပွဲကို ကျင်းပမည်ဆိုလျှင် ကာမာလာဟာရစ် အနိုင်ရနိုင်ခြေ (၅၅)ရာခိုင်နှုန်းရှိနေပြီး ဒေါ်နယ်ထရမ့် အနိုင်ရနိုင်ခြေ(၄၄)ရာခိုင်နှုန်းသာရှိကြောင်းဖော်ပြထားသည်။ 

သို့သော်လည်း ရွေးကောက်ပွဲကျင်းပရန် တစ်လကျော်ကြာ လိုသေးသည့်အတွက် နိုဝင်ဘာလ အတွင်းတွင် အပြောင်းအလဲများစွာ ဖြစ်လာနိုင်ဖွယ် ရှိနေပြီး ဒေါ်နယ်ထရမ့်အနိုင်ရရန် အလားအလာများ ဖွယ်ရှိနေသည်ဟု နာတီဆေးလ်ဗားက သုံးသပ်ပြောဆိုထားသည်။