Pika (NSS) - စက်တင်ဘာ ၉

မြောက်ကိုရီးယားခေါင်းဆောင်ကင်ဂျုံအန်းဟာ ခေတ်မီရေတပ်အခြေစိုက်စခန်းအသစ်တည်ဆောက်ရာနေရာကို သွားရောက်လည်ပတ်ခဲ့ပြီး နိုင်ငံရေ ကြောင်းတပ်ဖွဲ့တွေကို ပိုမိုဖွံ့ဖြိုးတိုးတက်လာအောင်လုပ်ဆောင်ဖို့ ကတိပြုခဲ့တယ်လို့လည်း သိရပါတယ်။

ရေတပ်အခြေစိုက်စခန်းအသစ်ရဲ့တည်နေရာဟာ မြောက်ကိုရီးယားကို မဟာဗျူဟာမြောက်အသာစီးရအောင်လုပ်ဆောင်ပေးလိမ့်မယ်လို့လည်း ကင်ဂျုံအန်းက ပြောကြားခဲ့ပါတယ်။ ပြီးခဲ့တဲ့နှစ်နှောင်းပိုင်းမှာ ကင်ဂျုံအန်းဟာ အမေရိကန်နဲ့ဒေသတွင်းမှာရှိတဲ့ ၎င်းရဲ့မိတ်ဖက်နိုင်ငံတွေရဲ့ ပူးတွဲစစ်ရေးလေ့ကျင့်မှုတွေကို ရင်ဆိုင်နေရချိန်မှာပဲ မြောက်ကိုရီးယားစစ်တပ်နဲ့ စစ်လက်နက်ပစ္စည်းထုတ်လုပ်ရေးစက်မှုလုပ်ငန်းကို ပိုမိုအရှိန်မြှင့်လုပ် ဆောင်ဖို့ အမိန့်ပေးခဲ့တယ်လို့လည်း သိရပါတယ်။

ဒါ့ပြင် မြောက်ကိုရီးယားစစ်တပ်ဟာ ဒုံးကျည်စမ်းသပ်ပစ်လွှတ်မှုတွေကို ပိုမိုအရှိန်မြှင့်လုပ်ဆောင်ခဲ့ပြီး ရော့ကတ်လောင်ချာ နဲ့ အသေခံဒရုန်းအသစ်တွေကို ထုတ်ပြန်ပြသခဲ့တယ်လို့လည်း သိရပါတယ်။ ရေတပ်အခြေစိုက်စခန်းအသစ်ဆီ ကင်ဂျုံအန်းရဲ့သွားရောက်လည်ပတ်စစ်ဆေးမှုကို နိုင်ငံပိုင်သတင်းအေဂျင်စီ(KCNA)က စက်တင်ဘာလ(၈)ရက်နေ့မှာ ဖော်ပြခဲ့တယ်လို့လည်းသိရပါတယ်။ မြောက်ကိုရီးယားနိုင်ငံဟာ အရှေ့ဘက်နဲ့အနောက်ဘက်ခြမ်းတို့မှာ ပင်လယ်ပြင်ရှိတာကြောင့် ဒီရေတပ်အခြေစိုက်စခန်းအသစ်ဟာ နိုင်ငံအတွက် အရေးပါတယ်လို့ ကင်ဂျုံအန်းက ပြောဆိုခဲ့ပါတယ်။

ဒါ့ပြင် လာမယ့်အနာဂတ်မှာ ကြီးမားပြီးခေတ်မီတဲ့စစ်သင်္ဘောတွေ နဲ့ ရေငုပ် သင်္ဘောတွေကို ရေတပ်ကတာဝန်ပေးအပ်နိုင်ဖွယ်ရှိနေတာမလို့ ၎င်းတို့ကိုလက်ခံနိုင်တဲ့ရေတပ်အခြေစိုက်စခန်းက လိုအပ်တယ်လို့လည်း ကင်ဂျုံအန်းကပြောကြားခဲ့ပါတယ်။ ပြီးတော့ နိုင်ငံရေတပ်အတွက် အခြေစိုက်စခန်းအဖြစ်ဆောင်ရွက်မယ့် ခေတ်မီဆိပ်ကမ်းမြို့ကို တည်ဆောက်မယ့် အစီ အစဉ်တွေရှိတယ်လို့လည်း ကင်ဂျုံအန်းက ထုတ်ပြန်ပြောကြားခဲ့ပါတယ်။