ယူဂန်ဒါ အားကစားသမား ချက်တာဂိုင်း၊ ချစ်သူရဲ့ မီးရှို့သတ်ဖြတ်ခြင်းကြောင့် သေဆုံး
ရောင်နီ (NSS) - စက်တင်ဘာ ၆
ယူဂန်ဒါနိုင်ငံ၊ ကိုယ်စားပြု အိုလံပစ် အားကစားမယ် ရက်ဘီကာချက်တာဂိုင်ဟာ ကင်ညာနိုင်ငံရှိ သူမချစ်သူရဲ့နေအိမ်မှာ မီးရှို့ခံရပြီး စက်တင်ဘာ ၅ ရက်က မှာ သေဆုံးသွားခဲ့ပါတယ်။
ချက်တာဂိုင်းဟာ ပါရီအိုလံပစ် မာရသွန်ပြိုင်ပွဲမှာ ပါဝင်ယှဉ်ပြိုင်ခဲ့ပြီး အဆင့် (၄၄)နေရာထိ ချိတ်ဆွဲနိုင်ခဲ့သူဖြစ်ပါတယ်။ ဒီဖြစ်ရပ်ဟာ အရှေ့အာဖရိကနိုင်ငံတွေအတွက် လိင်အခြေခံအကြမ်းဖက်မှုနဲ့ပတ်သက်ပြီး နောက် ဆုံးပေါ် ထိတ်လန့်တုန်လှုပ်စရာ ဖြစ်ရပ်ဖြစ်လာခဲ့ပြီး တက်ကြွလှုပ်ရှားသူများက အမျိုးသမီးတွေ အသတ်ခံနေရတဲ့ ကပ်ရောဂါလို့တောင် အမည် တပ် သတိပေးလာခဲ့ပါတယ်။ အသက် ၃၃ နှစ်အရွယ် တာဝေးအပြေးသမား ချက်တာဂိုင်းဟာ မီးလောင်ဒဏ်ရာတွေနဲ့ ကုသမှုခံယူနေရင်း စက်တင်ဘာ ၅ ရက် (နံနက် ၅ နာရီခွဲ)ခန့်အချိန်မှာ သေဆုံးသွားခဲ့တယ်လို့ ကင်ညာနိုင်ငံ အနောက်ပိုင်း အဲလ်ဒေါရက်မြို့ရှိ သူမ ကုသမှုခံယူနေတဲ့ ဆေးရုံက ပြောပါတယ်။
ရဲတပ်ဖွဲ့ရဲ့အဆိုအရ ဒစ်ဆွမ်နဒ်မာမာရန်ဂတ်ချ်အမည်ရှိ သူမရဲ့ချစ်သူ အ မျိုးသားဟာ တနင်္ဂနွေနေ့(ဩဂုတ် ၃၁ ရက်)က သူ့ရဲ့ နေအိမ်မှာ သူမကိုဓာတ်ဆီလောင်းမီးရှို့ခဲ့တယ်လို့ ဆိုပါတယ်။ သူမ မီးရှို့ခံရခြင်းကိုလည်း ၎င်းရဲ့သမီး နှစ်ယောက်က မျက်မြင်တွေ့ခဲ့တယ်လို့ ဆိုပါတယ်။ ဒီအဖြစ်အ ပျက် ကြောင့် ချက်တာဂိုင်းဟာ မီးလောင်ဒဏ်ရာ အများအပြားရခဲ့ပြီး ဆေးရုံတက် ကုသမှုခံယူခဲ့ရပါတယ်။ ဒါပေမဲ့ ဒဏ်ရာတွေက ပြင်းထန်လွန်းတာကြောင့် စက်တာဘာ ၅ ရက်နေ့မှာတော့ သူမဟာ သေဆုံးခဲ့ပါတယ်။ သူမရဲ့ ချစ်သူဖြစ်သူကိုတော့ တရားရုံးက ဘယ်လို စီရင်ချက်ချမယ်ဆိုတာ မသိရသေးပါဘူး။
၂၀၂၃ ခုနှစ် ဇန်နဝါရီလက ထုတ်ပြန်ခဲ့တဲ့ ကင်ညာအမျိုးသားစာရင်း အင်းဗျူရိုရဲ့ နောက်ဆုံးကိန်းဂဏန်းများအရ အမျိုးသမီး (၃၄)ရာခိုင်နှုန်းဟာ အသက် (၁၅)နှစ် အရွယ်လောက်ကစ ကိုယ်ထိလက်ရောက် အကြမ်းဖက်မှုတွေ ကြုံတွေ့ခံနေရလေ့ ရှိတယ်လို့ သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အရှေ့ဒဂုံမြို့နယ်တွင် ရပ်ထားသည့် ကွန်တိန်နာကားကို အိမ်စီးကားက နောက်မှဝင်တိုက်မိရာ ယာဉ်မောင်းပွဲချင်းပြီးသေဆုံး
RELATED POSTS
22 Nov 2024 | မှုခင်း,ပြည်တွင်း
