ရောင်နီ (NSS) - စက်တင်ဘာ ၄

            တောင်ကိုရီးယား K POP အဆိုတော် ဟွန်းအာနဲ့ အဆိုတော် ရောင်ဂျန်ဟွန်တော့ စုံတွဲဟာ မင်္ဂလာရက် နီးလာတာနဲ့အမျှ သူတို့ရဲ့ ထူးခြားပြီး ဆွဲဆောင်မှုရှိတဲ့ Prewedding ပုံရိပ်တွေကို ထုတ်ဖော်ပြသလာခဲ့ပါတယ်။

          ငယ်ရွယ်ပြီး Hip ဖြစ်တဲ့ ဖက်ရှင်နဲ့ prewedding ပုံရိပ်တွေဟာ ပရိသတ်တွေကို ဆွဲဆောင်နိုင်ခဲ့ပေမယ့် ဝေဖန်မှုတွေနဲ့ ရင်ဆိုင်နေရပါတယ်။ အကြောင်းကတော့ အဆိုတော် ရောင်ဂျန်ဟွန်ဟာ တောင်ကိုရီးယား နာမည်ကြီး လိင်ပိုင်းဆိုင်ရာ ရာဇဝတ်မှု တစ်ခုဖြစ်တဲ့ "Burning Sun" မှာ ပါဝင်ပတ်သက်နေသူ ဖြစ်နေတာကြောင့်ပါပဲ။ သူတို့စုံတွဲဟာ ၂၀၂၄ ခုနှစ် အစောပိုင်းကမှ လူသိရှင်ကြား လက်တွဲခဲ့ကြတာဖြစ်ပြီး ခြောက်လအကြာ ဇူလိုင်လမှာ စေ့စပ်ကြောင်းလမ်းခဲ့ပါတယ်။ သူတို့ရဲ့အေဂျင်စီတွေကတော့ "တစ်ယောက်နဲ့တစ်ယောက်အပေါ်ထားတဲ့ ချစ်ခင်ယုံကြည်မှုတွေကြောင့် ဟွန်းအာနဲ့ ယွန်းဂျန်ဟွန် တို့ စုံတွဲဟာ ရင်းနှီးတဲ့သူငယ်ချင်း၊ မိသားစုတွေနဲ့ လာမယ့် အောက်တိုဘာလထဲမှာ မင်္ဂလာပွဲကျင်းပဖို့ ဆုံးဖြတ်ခဲ့တယ်" လို့ ဆိုခဲ့ပါတယ်။ 

        သူတို့စုံတွဲဟာ လာမယ့် အောက်တိုဘာ ၁၁ ရက်မှာ ဆိုးလ်မြို့၊Samcheonggak မှာ လက်ထပ်ပွဲ ကျင်းပမှာဖြစ်ပြီး ရင်းနှီးသောမိသားစု၊ သူငယ်ချင်းတွေနဲ့သာ သီးသန့်အခမ်းအနား ကျင်းပသွားမယ်လို့ သိရပါတယ်။