ဂျန်ဇက် (NSS) - ဩဂုတ် ၁၉

ယူကရိန်း နဲ့ ဘီလာရုစ့်နိုင်ငံကြား နယ်နိမိတ်ထိစပ်နေတဲ့နေရာတွေဆီကို ယူကရိန်းတပ်ဖွဲ့ဝင်(၁၂၀၀၀၀)ကျော် စေလွှတ်လာခဲ့ခြင်းကြောင့် ဘီလာရုစ့်နိုင်ငံကလည်း နယ်စပ်ဒေသကိုတပ်ဖွဲ့ဝင်များစေလွှတ် သွားရဖွယ်ရှိနေတယ်လို့ ဘီလာရုစ့်သမ္မတ လူကာရှန်ကိုက ထုတ်ဖော်ပြောဆိုလိုက်ပါတယ်။ 

ဘီလာရုစ့်သမ္မတဟာ နယ်စပ်ဒေသကိုတပ်ဖွဲ့ဝင်အရေအတွက် ဘယ်နှစ်ဦး ဖြန့်ကြက်ချထားမယ်ဆိုတဲ့အချက်ကိုအတိအကျ သတင်းထုတ်ပြန်ခြင်းမျိုးမရှိပေမယ့် ဘီလာရုစ့်စစ်တပ်ဖွဲ့မှာ စစ်သားဦးရေ (၅၀၀၀၀)နီးပါးရှိနေသလို နယ်ခြားစောင့်တပ်ဖွဲ့ဝင် (၁၂၀၀၀)ကျော်ရှိ နေကြောင်းသိရပါတယ်။ ယူကရိန်းအစိုးရကတော့ ဘီလာရုစ့်သမ္မတပြောဆိုချက်တွေနဲ့ပတ်သက်ပြီး တစ်စုံတရာတုံ့ပြန်ပြောဆိုခြင်းမျိုး မရှိသေးကြောင်း သိရပါတယ်။ 

ဘိလာရုစ် ကာကွယ်ရေးဝန်ကြီးက အိမ်နီးချင်းယူကရိန်းနိုင်ငံရဲ့ ရန်စမှုတွေဟာ အမြင့်ဆုံးအခြေအနေမျိုးရှိနေပြီး နှစ်နိုင်ငံနယ်စပ်ဒေသအခြေအနေတွေဟာ တင်းမာမှုပုံစံမျိုးရှိနေဆဲဖြစ်ကြောင်း ပြောပါတယ်။ ယူကရိန်း တပ်ဖွဲ့တွေဟာ နယ်စပ်ဒေသကို ကျူးကျော်မှုရှိလာမယ်ဆိုရင်တော့ အဲဒီယူကရိန်းတပ်ဖွဲ့တွေဟာ ကြီးမားတဲ့ ဆုံးရှုံးမှုတွေနဲ့ ရင်ဆိုင်ရဖွယ်ရှိနေတယ်လို့  ဘီလာရုစ့် သမ္မတက ပြောပါတယ်။ ယူကရိန်းဟာ လက်ရှိအချိန်မှာ ရုရှားနိုင်ငံနဲ့ စစ်ပွဲဖြစ်ပွားနေပြီး ဘီလာရုစ့်နိုင်ငံဟာ ရုရှားနိုင်ငံရဲ့မဟာမိတ်နိုင်ငံဖြစ်နေကြောင်း သိရပါတယ်။