ရောင်နီ (NSS) - ဇူလိုင် ၇

           tvN ရဲ့ ဟောပြောပွဲရှိုးတစ်ခုဖြစ်တဲ့ 'You Quiz on the Block' မှာ တောင်ကိုရီးယား မင်းသား ဆောင်အီဂွတ် နဲ့ သူ့ရဲ့အမွှာသား ၃ ယောက် ဖြစ်တဲ့ ဒယ်ဟန်၊ မင်ဂု၊ မန်းဆယ် တို့ ပါဝင်ခဲ့တဲ့ အပိုင်းဟာ ရှိုးရဲ့ episode အားလုံးထဲမှာ ကြည့်ရှုသူအမြင့်ဆုံး စံချိန်ကို ရရှိခဲ့ပါတယ်။ 

          Nielsen Korea ရဲ့ အဆိုအရ 'You Quiz on the Block' မှ ဇူလိုင်လ ၃ ရက်နေ့က ထုတ်လွှင့်ခဲ့တဲ့ အပိုင်းဟာ ပျမ်းမျှတစ်နိုင်ငံလုံးကြည့်ရှုမှုအဆင့်သတ်မှတ်ချက် ၆.၈ ရာခိုင်နှုန်း၊ မြို့အနှံ့ကြည့်ရှုမှုအဆင့် ပျမ်းမျှ ၇.၈ ရာခိုင်နှုန်းထိရှိခဲ့ပြီး ၂၀၁၈ ခုနှစ်က စတင်ခဲ့တဲ့ 'You Quiz on the Block' ရှိုးရဲ့ ကြည့်ရှုသူ အမြင့်ဆုံးအဆင့် သတ်မှတ်မှုစံချိန် ဖြစ်ခဲ့ပါတယ်။ 

       ဒီအစီအစဉ်ဟာ ဆောင်အီဂွတ်နဲ့ သူ့ရဲ့ သားသုံးယောက်ရဲ့ ၁၀ နှစ်အတွင်း ပထမဆုံးအကြိမ် တီဗီအစီအစဉ်တစ်ခုမှာ ပါဝင်လာခြင်း ဖြစ်ပါတယ်။ အခုအချိန်မှာတော့ ဆောင်အီဂွတ်ရဲ့ သားတွေဖြစ်တဲ့ ဒယ်ဟန်၊ မင်ကု၊ မန်ဆယ်ဆိုတဲ့ အမွှာလေး ၃ ယောက်ဟာ အသက် ၁၂ နှစ် ရှိပြီဖြစ်ပြီး ပညာအရည်အချင်း ၆ တန်းမှာ ပညာသင်ကြားနေဆဲ ဖြစ်ပါတယ်။ The return of Superman" နဲ့ လူသိများခဲ့တဲ့ သူတို့အတွက် ဒီအစီအစဉ်ဟာ ပရိသတ်တွေကို အလွမ်းပြေစရာ ဖြစ်ခဲ့ပါတယ်။