ဂျန်ဇက် (NSS) - မေ  ၂၇ 

    နိုင်ငံတကာရာဇဝတ်တရားရုံး ICC က အစ္စရေးဝန်ကြီးချုပ်နေတန်ရာဟုအပါအဝင် အစ္စရေး အစိုးရတာဝန်ရှိသူများကို ဖမ်းဆီးမည့်အစီအစဉ်နှင့်ပတ်သက်၍ အနောက်အုပ်စုနိုင်ငံများကြား သဘောထားကွဲလွဲမှုများဖြစ်ပွားနေကြောင်းသိရသည်။

   ICC ၏ ရှေ့နေတစ်ဦးဖြစ်သော ကာရင်ကန်က ဂါဇာစစ်ပွဲတွင်စစ်ရာဇဝတ်ကျူးလွန်မှုနှင့်ပတ် သက်ပြီး အစ္စရေး ဝန်ကြီးချုပ်နေတန်ရာဟုအပြင် အစ္စရေးကာကွယ် ရေးဝန်ကြီးနှင့် ဟားမတ်စ်ခေါင်းဆောင်သုံးဦးတို့ကို ဖမ်းဝရမ်းထုတ်ရန် အဆိုပြုခဲ့ကြောင်းသိရသည်။အစ္စရေးဝန်ကြီးချုပ်နေတန်ရာဟုသည် ICC ၏ ရှေ့ နေတစ်ဦးဖြစ်သော ကာရင်ကန်၏ တောင်းဆို ချက်များကို ငြင်းဆန်ပယ်ချကာ ဝေဖန်ပြစ်တင်ထားသည်။ ထို့ပြင် အမေရိကန်အစိုးရကလည်း နိုင်ငံ တကာရာဇဝတ်တရားရုံး၏ ဖမ်းဝရမ်းထုတ်မည့် အစီအစဉ်သည် အစ္စရေးနှင့်ဟားမတ်စ်လက်နက် ကိုင်အဖွဲ့ကြားဖြစ်ပွားနေသည့် စစ်ပွဲအပစ်အခတ်ရပ်စဲ နိုင်ရန် နှောင့်နှေးစေမည်ဖြစ်ကြောင်း သတိပေးထား သည်။ ထို့ပြင် ဟန်ဂေရီ ဝန်ကြီးချုပ်ဗစ်တာ အော်ဘန်က၏ရုံးကလည်း အစ္စရေးဝန်ကြီးချုပ်နေတန်ရာ ဟု အပေါ် ဖမ်းဝရမ်းထုတ်မည့် နိုင်ငံတကာရာဇဝတ် တရားရုံး၏အစီအစဉ်ကို လက်မခံနိုင်ကြောင်း ပြောဆိုထားသည်။ ဟန်ဂေရီနိုင်ငံအနေဖြင့် အစ္စရေး ဝန်ကြီးချုပ်ကို ဖမ်းဝရမ်းထုတ်မည့် နိုင်ငံတကာ ရာဇဝတ်တရားရုံး၏ အမိန့်ကိုလိုက်နာကျင့်သုံးမည် မဟုတ်ကြောင်းပြောဆိုထားသည်။

သို့သော်လည်း ဂျာမနီအစိုးရက ၎င်းတို့သည်အစ္စရေးဝန်ကြီးချုပ်နေတန်ရာဟုကို ဖမ်းဝရမ်း ထုတ်မည့်အမိန့်ကို လိုက်နာကျင့်သုံးမည်ဖြစ်ကြောင်း ပြောသည်။ ဂျာမနီအစိုးရပြောရေးဆို ခွင့်ရှိသူတစ်ဦး က အစ္စရေးခေါင်းဆောင်များကို ဖမ်းဝရမ်းထုတ်မည် ဆိုလျှင် ဂျာမနီအစိုးရသည် နိုင်ငံတကာရာဇဝတ်တရား ရုံးနှင့် ပူးပေါင်းဆောင်ရွက်မည်ဟုပြောဆိုထားသည်။ အစ္စရေးနှင့်ဟားမတ်စ်လက်နက်ကိုင်အဖွဲ့ကြား ဂါဇာ စစ်ပွဲစတင်ခဲ့ပြီးနောက်ပိုင်း တောင်အာဖရိက အစိုးရ သည် အစ္စရေးခေါင်းဆောင်နေတန်ရာဟုနှင့်တာဝန် ရှိသူများကို စစ်ရာဇဝတ်ကျူးလွန်သည်ဟု စွပ်စွဲကာ နိုင်ငံတကာရာဇဝတ်တရားရုံးတွင် တရားစွဲခဲ့ကြောင်း သိရသည်။ 

နိုင်ငံတကာရာဇဝတ်တရားရုံးသည် ယူကရိန်းနှင့်ရုရှားနိုင်ငံကြားဖြစ်ပွားသောစစ်ပွဲနှင့်ပတ် သက်ပြီး ရုရှားသမ္မတပူတင်နှင့် ရုရှားအစိုးရတာဝန်ရှိ သူများကို စစ်ရာဇဝတ်မှုများကျူးလွန်သည်ဆိုကာ ယခင်က ဖမ်းဝရမ်းထုတ်ဖူးကြောင်းသိရသည်။