ALynn (NSS) - မေ ၂၂

ကျွန်းနိုင်ငံငယ် ကိုးနိုင်ငံသည် ပင်လယ်ပြင်ဥပဒေဆိုင်ရာခုံရုံး (ITLOS) တွင် သမိုင်းဝင် ရာသီဥတုဖောက်ပြန်ခြင်းအမှုကို အနိုင်ရရှိခဲ့ပြီး ခုံးရုံးက ကုလသ မဂ္ဂရေကြောင်းဆိုင်ရာစာချုပ်တွင် ပါဝင်သူအားလုံးသည် ကမ္ဘာ့သမုဒ္ဒရာနယ် နိမိတ်များအတွင်း ရာသီဥတုပြောင်းလဲခြင်းများကို ကာကွယ်တားဆီးနိုင်ရန် ပါဝင်လုပ်ဆောင်ရမည်ဟု ဆုံးဖြတ်ခဲ့သည်။ 

ပင်လယ်ရေကြောင်းညစ်ညမ်းမှုကို တားဆီးရန်နှင့် သမုဒ္ဒရာများကို ထိခိုက်စေသည့် ဖန်လုံအိမ်ဓာတ်ငွေ့ထုတ်လွှတ်မှုများကို တတ်နိုင်သမျှလျှော့ချရန် ကုလသမဂ္ဂပင်လယ်ပြင်ဆိုင်ရာ ကွန်ဗင်းရှင်းတွင် လက်မှတ်ရေးထိုးထားသော လိုက်နာဆောင်ရွက်ရမည့်တာဝန်များကို ခုံရုံးက ဖော်ပြခဲ့သည်။

သမုဒ္ဒရာများ မြင့်တက်လာခြင်း၊ သမုဒ္ဒရာအပူချိန် မြင့်တက်လာခြင်းနှင့် ရုပ်ကြွင်းလောင်စာများကို ထိခိုက်စေခြင်း၊ အခြားဖန်လုံအိမ်ဓာတ်ငွေ့များ ထုတ်လွှတ်မှုများ၏ နောက်ဆက်တွဲ သမုဒ္ဒရာအတွင်းရှိ အက်ဆစ်ဓာတ်မြင့်များလာခြင်း ပြဿနာများကြောင့် ကျွန်းနိုင်ငံများသည် ကွန်ဗင်းရှင်းအောက်တွင်ပါဝင်သည့် ပင်လယ်ရေထုကို ညစ်ညမ်းစေသည်ဟု ယူဆရသော အရာများကို ရှင်းရှင်းလင်းလင်း ဖော်ပြပေးပါရန် တရားရုံးကို တောင်းဆိုခဲ့သည်။ ကျွန်းနိုင်ငံငယ်လေးများသည် အခြားနိုင်ငံကြီးများ၏ လေထုညစ်ညမ်းမှုကြီးကြီးမားမားထုတ်လွှတ်မှုကြောင့် ၎င်းတို့၏ရှင်သန်ရေးအတွက် တိုက်ပွဲဝင်နေရကြောင်း အမှုကို တင်သွင်းသည့် ကျွန်းနိုင်ငံများအနက် တစ်ခုအပါ အဝင်ဖြစ်သော Antigua နှင့် Barbuda ၏ ၀န်ကြီးချုပ် Gaston Browne က ပြောကြားခဲ့သည်။

နိုင်ငံပေါင်း ၁၆၉ နိုင်ငံက လက်မှတ်ရေးထိုးခဲ့သည့် ၁၉၉၄ ကွန်ဗင်းရှင်းတွင် သင်္ဘောများမှ ရေနံများအပါအဝင် အဏ္ဏဝါပတ်ဝန်းကျင်ကို ညစ်ညမ်းစေသည့်အရာများအားတားမြစ်ကြောင်း နိုင်ငံများအတွက် အခြေခံဥပဒေစည်းမျဉ်းများ သတ်မှတ်ပေးပေးထားပြီးဖြစ်သော်လည်း ယခုအခါ ခုံရုံး၏ဆုံးဖြတ်ချက်အရ ညစ်ညမ်းသောလေထု ထုတ်လွှတ်မှုသည်လည်း သမုဒ္ဒရာများကို ထိခိုက် စေကြောင်း အသိအမှတ်ပြုခဲ့သည်။ ရာသီဥတုပြောင်းလဲမှုနှင့် နိုင်ငံတကာဥပဒေဆိုင်ရာ ကျွန်းနိုင်ငံငယ်များကော်မရှင် (COSIS) သည် နိုင်ငံ ၉ နိုင်ငံကိုယ်စား အမှုကို တင်သွင်းပေးကာ ကမ္ဘာ့တရားရုံးက ကျွန်းနိုင်ငံများ၏ အကြံပြုချက်အမြင်ကို လက်ခံကြိုဆိုခဲ့ခြင်းကြောင့် ယင်းမှာ ကျွန်းနိုင်ငံငယ်များ၏ “ကြီးမားသော တရားရေးအောင်ပွဲ” ဖြစ်လာခဲ့သည်။

COSIS အမှုတွင် ပါဝင်ခဲ့သည့် ကျွန်းနိုင်ငံကိုးခုမှာ Antigua နှင့် Barbuda၊ Niue၊ Palau၊ St Kitts နှင့် Nevis၊ St Lucia၊ St Vincent နှင့် Grenadines၊ Tuvalu နှင့် Vanuatu တို့ဖြစ်ပြီး ပြီးခဲ့သော ၂၄ နာရီအတွင်းကပင် အဆင့် ၄ ရှိသော မုန်တိုင်းနှစ်ခုနှင့် ရင်ဆိုင်ကြုံတွေ့ခဲ့ရသည်။