စော (NSS) - ဧပြီ ၁၉

ရခိုင်ပြည်နယ်၊ ဘူးသီးတောင်မြို့တွင် လက်နက်ကြီးကျည်များ ကျရောက်ပေါက်ကွဲခဲ့ရာ (၄)ဦး သေဆုံးခဲ့ပြီး (၉)ဦး ထိခိုက်ဒဏ်ရာရရှိခဲ့ကြောင်း နစက၏ ထုတ်ပြန်ချက်များအရ သိရသည်။

AA အကြမ်းဖက်သောင်းကျန်းသူများသည် ပြီးခဲ့သည့် (ဧပြီလ ၁၇ ရက်)၊ ညနေ (၅)နာရီခွဲဝန်း ကျင်အချိန်တွင် ဘူးသီးတောင်မြို့အတွင်းသို့ မြို့၏အ‌ရှေ့မြောက်ဘက်မှ လက်နက်ကြီးများ ဖြင့် ပစ်ခတ်ခဲ့ရာ အမှတ်(၂)ရပ်ကွက်ရပ်ကွက်အတွင်းသို့ ကျရောက်ပေါက်ကွဲခဲ့ကြောင်း သိရသည်။

ထိုသို့ ကျရောက်ပေါက်ကွဲခဲ့ရာ အမျိုးသားတစ်ဦးနှင့် အမျိုးသမီး (၃)ဦး စုစုပေါင်း (၄)ဦး သေဆုံးခဲ့ပြီး အသက် (၁၂)နှစ်အရွယ် ကလေးငယ်တစ်ဦး အပါအဝင် (၈)ဦး ထိခိုက်ဒဏ်ရာရရှိခဲ့ကြောင်း ထုတ်ပြန်ချက်အရ သိရသည်။ အဆိုပါ ထိခိုက်ဒဏ်ရာရရှိသူများကို လုံခြုံရေးတပ်ဖွဲ့ဝင်များက နယ်မြေခံတပ်မတော်ဆေးရုံသို့ ပို့ဆောင်ကာ လိုအပ်သော ဆေးဝါးကုသမှုများ ဆောင်ရွက်ပေးလျက်ရှိကြောင်း သိရသည်။

အကြမ်းဖက်သမားများအား အမြန်ဆုံးဖော်ထုတ်ဖမ်းဆီးနိုင်ရေး လုံခြုံရေးတပ်ဖွဲ့ဝင်များက လုံခြုံရေးလုပ်ငန်းများ တိုးမြှင့်ဆောင်ရွက်လျက်ရှိပြီး အကြမ်းဖက်သမားများအား အမြန်ဆုံးဖမ်းဆီးရမိရေး ၎င်းတို့ ပုန်းခိုရာနေရာများ၊ လှုပ်ရှားသွားလာနေထိုင်မှုသတင်းများရရှိပါက သက်ဆိုင်ရာသို့ လျှို့ဝှက်စွာ သတင်းပေးတိုင်ကြားနိုင်ကြောင်း နစကမှ အသိပေးထုတ်ပြန်ထားသည်။