ဂျန်ဇက် (NSS) - ဧပြီ ၉

ယူကရိန်းနိုင်ငံသားအားလုံးဟာ စစ်တိုက်ရမှာဖြစ်ကြောင်း၊ ယူကရိန်း ဗိုလ်ချုပ် Aleksandr Pavlyuk ကထုတ်ဖော်ပြောဆိုလိုက်ပါတယ်။

ယူကရိန်းနိုင်ငံသားတွေဟာ စစ်မှုထမ်းဖို့ ရှောင်ရှားလို့ရမှာမဟုတ်ကြောင်း၊ ယူကရိန်းနိုင်ငံမှာစစ်သားလိုအပ်ချက်တွေရှိနေတဲ့အတွက် အသက်ပြည့်သူအားလုံးစစ်မှုထမ်းရမှာဖြစ်ကြောင်း ယူကရိန်းဗိုလ်ချုပ်က ပြောပါတယ်။ ယူကရိန်းဟာ နိုင်ငံအတွင်းရှိ နိုင်ငံသားတွေ စစ်မှုထမ်း ရမယ့်အရွယ်ကို အသက် ၂၇ နှစ်မှ အသက် ၂၅နှစ်အရွယ်အထိလျော့ချခဲ့ပါတယ်။ ၎င်းက "ယူကရိန်းနိုင်ငံသားတွေဟာ လက်ရှိအချိန်မှာ စိတ်ခံစားမှုတွေကိုဘေးဖယ်ထားဖို့ လိုအပ်တယ်။ စစ်မှုထမ်းဖို့ အမည်စာရင်းပေးသွင်းရမယ်။ စစ်တပ်နဲ့ ပြည်သူဟာခွဲခြားလို့မရဘူး၊ နိုင်ငံကိုကာကွယ်ဖို့ နိုင်ငံသားတိုင်းမှာတာဝန်ရှိတယ်ဆိုတာ ဖွဲ့စည်းပုံအခြေခံဥပဒေထဲမှာသတ်မှတ်ထားတယ်။ နိုင်ငံက အခက်အခဲတွေရင်ဆိုင်နေရချိန်မှာ ပြည်သူတွေရဲ့ကံကြမ္မာလည်း ကောင်းနိုင်မှာမဟုတ်ဘူး။ ရုရှားတပ်ဖွဲ့တွေနဲ့ တိုက်ခိုက်ဖို့ ဘယ်သူမှရှောင်လွဲလို့ ရမှာမဟုတ်ဘူး'လို့ ပြောပါတယ်။ 

ရှေ့တန်းစစ်မျက်နှာပြင်အခြေအနေတွေက လက်ရှိအချိန်မှာလွယ်ကူမှုမရှိကြောင်း၊ ယူကရိန်းဟာပြည်ပနိုင်ငံတွေကနေ စစ်လက်နက်ပစ္စည်းတွေနဲ့ ငွေကြေးအကူအညီရရှိပေမယ့် စစ်တိုက်ဖို့ လူအင်အားလိုအပ်နေကြောင်း ၎င်းက ပြောပါတယ်။ ရုရှားနဲ့ ယူကရိန်းနိုင်ငံကြားဖြစ်ပွားနေတဲ့စစ်ပွဲက အချိန် (၂)နှစ်ကျော်ကြာပေမယ့် လက်ရှိအချိန်အထိ အပစ်ခတ်ရပ်စဲရေးရယူနိုင်ခြင်းမရှိသေးဘဲတိုက်ပွဲများဆက်လက်ဖြစ်ပွားနေဆဲဖြစ်ကြောင်း သိရပါတယ်။