ဂျန်ဇက် (NSS) - မတ် ၂၈ 

ရုရှားလူငယ်တွေအပါအဝင် ရုရှားနိုင်ငံသားတစ်ဝက်ကျော်က ငွေသား အသုံးပြုဟာ ကာလအတန်ကြာဆက်ရှိတော့မှာ မဟုတ်ဘူးဆိုတဲ့အချက်ကို ယုံကြည်နေကြောင်း မကြာသေးမီကပြုလုပ်တဲ့  Public Opinion Research Center (VCIOM) စစ်တမ်းမှာ ဖော်ပြထားပါတယ်။ 

အဲဒီစစ်တမ်းကိုဖြေဆိုသူအားလုံးရဲ့ ၅၄ ရာခိုင်နှုန်းက နေ့စဉ်အသုံးပြုနေတဲ့ ငွေသားဟာ နှစ်ပေါင်း ၂ဝ ကျော်အတွင်း အသုံးပြုမှုနည်းပါးသွားနိုင်ကြောင်း ဖြေဆိုထားပါတယ်။ စစ်တမ်းမှာ ပါဝင်ဖြေဆိုသူအားလုံးအနက် မြို့ကြီးတွေမှာ နေထိုင်တဲ့ အသက် ၁၈ နှစ်နဲ့ အသက် ၂၄ နှစ်အရွယ်ရှိ ဖြေဆိုသူအားလုံးရဲ့ ၆ဝ ရာခိုင်နှုန်းက ငွေကြေးဟာ လာမယ့်နှစ်ပေါင်း ၂ဝ ကျော်အတွင်း ပျောက်ဆုံးဖွယ်ရှိနေကြောင်း ဆိုထားပါတယ်။

ရုရှားနိုင်ငံသား ၈၉ ရာခိုင်နှုန်းရဲ့ ၁ဝ ဦးထဲမှာ ၉ ဦးဟာ ၎င်းတို့နေ့စဉ်ရှင်သန်နေထိုင်ဖို့အတွက် ငွေကြေး ပေးချေတဲ့ကဒ်တွေကို အဓိကထားအသုံးပြုနေကြောင်း သိရပါတယ်။ ရုရှားနိုင်ငံသား ၁ဝ ဦးထဲမှာ ၆ ဦးက ပြီးခဲ့တဲ့ ငါးနှစ်အတွင်း ငွေကြေးပေးချေရာမှာ ငွေသားပေးချေမှုထက် ကဒ်တွေကိုအသုံးပြုခဲ့ကြောင်း သိရပါတယ်။

(VCIOM) အဖွဲ့ဟာ မတ်လ ၁၆ ရက်မှာ ဖုန်းဆက်ပြီး စစ်တမ်းကောက်ယူခဲ့ပြီး စစ်တမ်းဖြေဆိုသူတွေဟာ အသက် ၁၈ နှစ်နဲ့အထက်အရွယ်များဖြစ်ကြောင်း သိရပါတယ်။ စစ်တမ်းကို အသက် ၁၈ နှစ်နဲ့အထက် လူပေါင်း ၁၆ဝဝ ကျော်ဖြေဆိုခဲ့ပြီး အများစုက debit cards အသုံးပြုမှုတွေကို အဓိကထားလုပ်ဆောင်ကြောင်း ဖြေဆိုခဲ့ပါတယ်။