ဂျန်ဇက် (NSS) - မတ် ၂၆ 

ကမ္ဘာကျော်ဘိုရင်း လေယာဉ်ကုမ္ပဏီရဲ့ဥက္ကဋ္ဌဖြစ်သလို အမှုဆောင်အရာရှိချုပ်ဖြစ်သူ ဒါဗီ ကိုဟွန်ဟာ ဘေးကင်း ရေးဆိုင်ရာအငြင်းပွားမှုတွေ ဖြစ်လာခဲ့ပြီးနောက်ပိုင်း ၂ဝ၂၄ ခုနှစ်အကုန်မှာ ရာထူးက နုတ်ထွက်မယ်လို့ ကြေညာလိုက်ပါတယ်။

ဘိုရင်းကုမ္ပဏီကထုတ်လုပ်တဲ့ ဘိုရင်း 737 Max  အမျိုးအစား လေယာဉ်တွေနဲ့ပတ်သက်ပြီး အငြင်းပွားမှုတွေ ဖြစ်လာခဲ့ပြီးနောက် ၎င်းဟာ ရာထူးက ထွက်ဖို့ စီစဉ်လာခဲ့တာဖြစ်ပါတယ်။ ဇန်နဝါရီလ ၅ ရက်က အလက်စကာလေကြောင်းမှာ အသုံးပြုနေတဲ့ ဘိုရင်းလေယာဉ်ဟာ အမြင့်ပေ ၁၆ဝဝဝ အရောက်မှာ ချို့ယွင်းချက် အနည်းငယ်ဖြစ်လာတဲ့အတွက် ဝေဖန်ပြစ်တင်မှုများ ရင်ဆိုင်ခဲ့ရကြောင်း သိရပါတယ်။

၎င်းက "တစ်ကမ္ဘာလုံးဟာ ကျွန်တော်တို့အပေါ် အာရုံစိုက်နေတယ်။ ကျွန်တော်တို့ဟာ ကုမ္ပဏီကို လက်ရှိထက် ပိုမိုကောင်းမွန်တဲ့လေယာဉ်ဖြစ်အောင် လုပ်ဆောင်မယ်။ ပွင့်လင်းမြင်သာမှုဖြစ်အောင် လုပ်ဆောင်မယ်။ ဖြစ်ပွားခဲ့ တဲ့မတော်တဆအဖြစ်အပျက်တွေအတွက် ပြန်လည်တုံ့ပြန်မှုတွေ၊ တာဝန်ယူခြင်းတာဝန်ခံခြင်းတွေ လုပ်ဆောင်ပေးမယ်" လို့ ပြောပါတယ်။

ဘိုရင်းကုမ္ပဏီက ထုတ်လုပ်တဲ့ ဘိုရင်း  737 Max အမျိုးအစားလေယာဉ် ၈ စင်းဟာ ၂ဝ၁၈ ခုနှစ် နဲ့ ၂ဝ၁၉ ခုနှစ်တို့မှာ ပျက်ကျတဲ့အဖြစ်အပျက်တွေရှိခဲ့ပြီး  ကုမ္ပဏီအတွက် အနုတ်လက္ခဏာဆောင်တဲ့ စိန်ခေါ်မှုတွေဖြစ်လာစေခဲ့ ကြောင်း သိရပါတယ်။ ဘိုရင်းကုမ္ပဏီဟာ ကမ္ဘာပေါ်ရှိလေယာဉ် ကုမ္ပဏီတွေထဲမှာ ရောင်းအားအကောင်းဆုံး ကုမ္ပဏီဖြစ်ပေမယ့် အက်ဆီးဒန့်များ၊ နဲ့ လေကြောင်း အရည်အသွေးထိန်းချုပ်မှုပိုင်း ချို့ယွင်းချက်တွေ ရှိလာခဲ့ပြီး နောက် ဝေဖန်ပြစ်တင်ခံရမှုများ ရှိလာခဲ့ကြောင်း သိရပါတယ်။