ယွန်း (NSS) - မတ် ၂၅ 

MAI လေကြောင်းလိုင်းသို့ ‌ATR လေယာဥ်တစ်စီးထပ်မံရောက်ရှိခဲ့ကြောင်း အပြည်ပြည်ဆိုင်ရာမြန်မာလေကြောင်းလိုင်း(MAI)ထံမှ သိရသည်။

အဆိုပါ ATR 72-600 သည် မတ်လ(၂၄)ရက်၊ နေ့လည်(၂)နာရီအချိန်တွင် ရန်ကုန်အပြည်ပြည်ဆိုင်ရာလေဆိပ်သို့ ဆိုက်ရောက်ခဲ့ခြင်းဖြစ်ပြီး MAI လေ‌ကြောင်းလိုင်းတွင် ယခုအခါ လေယာဥ်အစီးရေ စုစုပေါင်း(၁၂)စီးအထိ ရှိလာပြီဖြစ်ကြောင်း သိရသည်။

MAI လေ‌ကြောင်းလိုင်းတွင် A319 လေယာဥ် ၄ စီး၊ A320 လေယာဥ် ၄ စီး၊ E190 လေယာဥ် ၂ စီး၊ (ACMI basis ဖြင့်ပြေးဆွဲပေးနေသည့်) B733-300F လေယာဥ် ၁ စီးနှင့် ယခုအသစ်ရောက်ရှိလာသည့် ATR 72-600 တို့ ပါဝင်ကြောင်း သိရသည်။

အဆိုပါတိုးချဲ့မှုသည် မြန်မာနိုင်ငံနှင့် ဒေသတွင်းရှိ အာဆီယံနိုင်ငံများအကြား လေကြောင်းခရီးစဥ်များကို အကြိမ်ရေတိုးမြှင့်ပျံသန်းပေးနိုင်ရေးနှင့် ခရီးသည်များ တတ်သာနိုင်မည့်နှုန်းထားများဖြင့် စီးနင်းနိုင်စေရေးကို ရည်မှန်းချက်ထားဆောင်ရွက်ခြင်းဖြစ်ကြောင်း သိရသည်။

လက်ရှိတွင် MAI အနေဖြင့် မြန်မာနိုင်ငံနှင့် ပြည်ပနိုင်ငံ ၁၁ နိုင်ငံရှိ မြို့ပေါင်း ၃၀ သို့ ပျံသန်းပြေးဆွဲလျက်ရှိပြီး ယခု ၂၀၂၄ ခုနှစ်အတွင်း ပြည်ပနိုင်ငံပေါင်း ၁၄ နိုင်ငံအထိ တိုးချဲ့ပြေးဆွဲရန် မျှော်မှန်းထားကြောင်း သိရသည်။