ဂျန်ဇက် (NSS) - မတ် ၂၃

အမေရိကန်နိုင်ငံခြားရေးဝန်ကြီးသည် ဂါဇာစစ်ပွဲနှင့်ပတ်သက်ပြီး ကုလသမဂ္ဂလုံခြုံရေးကောင်စီတွင် မဲခွဲဆုံးဖြတ်မှု မလုပ်ဆောင်ခင် ချက်ချင်းအပစ်ခတ်ရပ်စဲရေးရယူနိုင်ရန်အတွက် အစ္စရေးနိုင်ငံကို ဖိအားပေးနေကြောင်းသိရသည်။

အမေရိကန်အစိုးရသည် ဂါဇာစစ်ပွဲနှင့်ပတ်သက်ပြီး ကုလသမဂ္ဂလုံခြုံရေးကောင်စီတွင် ဆုံးဖြတ်ချက်မူကြမ်း တစ်ရပ် ထပ်မံတင်သွင်းရန် စီစဉ်နေကြောင်း ပြီးခဲ့သောရက်ပိုင်းတွင် သတင်းထုတ်ပြန်ခဲ့သည်။ အဆိုပါ ဆုံးဖြတ်ချက်မူကြမ်းထဲတွင် ပြန်ပေးဆွဲခံထားရသူများ ပြန်လည်လွတ်မြောက်စေရန်အတွက် အပစ်ခတ်ရပ်စဲရေး ချက်ချင်းရယူမည်ဆိုသောအချက်ကို ဖော်ပြထားသည်။ 

အမေရိကန်နိုင်ငံခြားရေးဝန်ကြီးသည် ဆော်ဒီအာရေဗျ၊ အီဂျစ်နိုင်ငံတို့ကို သွားရောက်ခဲ့ပြီးနောက်  အစ္စရးနိုင်ငံကို ထပ်မံသွားရောက်ခဲ့ခြင်း ဖြစ်သည်။ဝန်ကြီးအန်တိုနီဘလီကန်သည် အစ္စရေးနှင့်ဟားမက်စ်လက်နက်ကိုင်အဖွဲ့ကြား စစ်ပွဲစတင်ခဲ့ပြီးနောက်ပိုင်း အစ္စရေးနိုင်ငံကို ၆ ကြိမ်မြောက် သွားရောက်ခဲ့ခြင်းဖြစ်ကြောင်း သိရသည်။ အစ္စရေး သည် ဟားမက်စ်လက်နက်ကိုင်အဖွဲ့နှင့် အပစ်ခတ်ရပ်စဲရေးရယူနိုင်ရန်အတွက် အစ္စရေးမောဆက်ထောက်လှမ်း ရေးအဖွဲ့တာဝန်ရှိသူများကို အမေရိကန်၊ အီဂျစ်၊ ကာတာနိုင်ငံတို့နှင့် ဆွေးနွေးနိုင်ရန် ကာတာနိုင်ငံသို့ စေလွှတ် ခဲ့ကြောင်း သိရသည်။ 

အစ္စရေးနှင့် ဟားမက်စ်လက်နက်ကိုင်အဖွဲ့ကြား သီတင်းပတ်ခြောက်ပတ်ကြာ အပစ်ခတ်ရပ်စဲနိုင်ရန်အတွက် အဓိကထားဆွေးနွေးမည်ဖြစ်ကြောင်း သိရသည်။ အစ္စရေးနှင့် ဟားမက်စ်လက်နက်ကိုင်အဖွဲ့ကြား ဖြစ်ပွားနေသည့် စစ်ပွဲသည် ၅ လကျော် ကြာမြင့်ခဲ့ပြီးနောက် အပစ်ခတ်ရပ်စဲရေးရယူနိုင်ရန် ကုလသမဂ္ဂ အပါအဝင် နိုင်ငံတကာအဖွဲ့ အစည်းများက ဖိအားပေးနေကြောင်း သိရသည်။ 

အစ္စရေးသည် ဟားမက်စ်လက်နက်ကိုင်အဖွဲ့ကို အပြီးသတ်ချေမှုန်းနိုင်ရန် လိုလားနေသော်လည်း ဟားမက်စ် လက်နက်ကိုင်အဖွဲ့ဖမ်းဆီးထားသူများ အမြန်ဆုံးပြန်လွှတ်မြောက်ရေးအတွက် ဖိအားများနှင့် ရင်ဆိုင်နေရကြောင်း သိရသည်။

အမေရိကန်အစိုးရက အစ္စရေးအနေဖြင့် ဂါဇာဒေသကို တိုက်ခိုက်ရာတွင် အရပ်သားများသေဆုံးမှုမရှိအောင် လုပ်ဆောင်ရန် တောင်းဆိုနေကြောင်း သိရသည်။