သန့်ဇင် (NSS) - မတ် ၂၁

၂၀၂၆ ကမ္ဘာ့ဖလား ခြေစစ်ပွဲစဉ်အဖြစ် ဆီးရီးယားနှင့်ယှဉ်ပြိုင်ရန် မြန်မာ့လက်ရွေးစင် ဘောလုံးအသင်း၏ အပြီးသတ်ကစားသမား(၂၃)ဦး စာရင်း ထွက်ပေါ်လာခဲ့သော်လည်း အဓိကစားသမားများ ပါဝင်လာခြင်းမရှိကြောင်း သိရသည်။

မြန်မာ့လက်ရွေးစင်ဘောလုံးအသင်း နှင့် ဆီးရီးယားလက်ရွေးစင်အသင်းတို့သည် ယနေ့(မတ်လ ၂၁ ရက်)၊ ည ၆ နာရီအချိန်တွင် ရန်ကုန်မြို့ရှိ သုဝဏ္ဏဘောလုံးကွင်းတွင် ယှဉ်ပြိုင်ကစားသွားကြမည်ဖြစ်သည်။

အဆိုပါပွဲစဉ်အတွက် မြန်မာ့လက်ရွေးစင်အသင်း၏ အပြီးသတ်ကစား သမား(၂၃)ဦးစာရင်းတွင် ဂိုး- ပြည့်ဖြိုးအောင်၊ ဆန်းဆက်နိုင်၊ ကျော်ဇင်ဖြိုး၊ နောက်တန်း- ဒေးဗစ်ထန်၊ ကောင်းထက်ပိုင်၊ ငြိမ်းချမ်း၊ ဟိန်းဖြိုးဝင်း၊ စိုးမိုးကျော်၊ သီဟထက်အောင်၊ သက်ဟိန်းစိုး၊ ခွန်ကျော်ဇင်ဟိန်း၊ အလယ်တန်း- ဝေလင်းအောင်၊ ရန်နိုင်ဦး၊ ဇော်ဝင်းသိန်း၊ ကျော်မင်းဦး၊ နေမိုးနိုင်၊ လွင်မိုးအောင်၊ ဟိန်းထက်အောင်၊ ရှေ့တန်း - အောင်သူ၊ မောင်မောင်လွင်၊ ကျော်ကိုကို၊ အောင်ကောင်းမန်နှင့် ဥက္ကာနိုင်တို့ပါဝင်လာခဲ့သည်။

အပြီးသတ်ကစားသမားစာရင်းထုတ်ပြန်ရာတွင် ပဏာမကစားသမားစာရင်း၌ ပါဝင်ခဲ့သော ပြည်ပထွက်ခွါကစားသမားများဖြစ်သည့် သန်းပိုင်နှင့် မြတ်ကောင်းခန့်တို့ပါဝင်လာခဲ့ခြင်းမရှိသည့်အပြင် ပြီးခဲ့သည့် မြောက်ကိုရီးယားနှင့်ပွဲစဉ်၌ ဂိုးသွင်းယူနိုင်ခဲ့သော ဝင်းနိုင်ထွန်းသည်လည်းပါဝင်လာခဲ့ခြင်းမရှိသည်ကို တွေ့ရသည်။