ရောင်နီ (NSS) - မတ် ၂ဝ

တောင်ကိုရီးယား ပရော်ဖက်ရှင်နယ် ပေါ့စ် အဆိုတော် အဲလီဟာ လက်ရှိ ချစ်သူရည်းစား ရှိနေပြီဖြစ်ပြီး နောက်နှစ် အတွင်း အိမ်ထောင်ပြုတော့မယ့်အကြောင်း အတည်ပြုလာခဲ့ပါတယ်။     

အဲလီဟာ အနုပညာအသိုင်းအဝိုင်းထဲက မဟုတ်သူနဲ့ ချစ်သူဖြစ်နေတာဖြစ်ပြီး ချစ်သူနဲ့လည်း ရိုမန်တစ်ဆန်တဲ့ အချစ်ရေး ပိုင်ဆိုင်ထားတာကြောင့် အိမ်ထောင်ပြုဖို့ စိတ်အားထက်သန်နေတယ်လို့ သူမရဲ့အေဂျင်စီ A2Z Entertainment က မတ်လ ၁၉ ရက်က ဖော်ပြခဲ့ပါတယ်။ 

အေဂျင်စီမှ ထုတ်ပြန်စာမှာ "မင်္ဂလာပါ။ A2Z Entertainment ပါ။ ယနေ့မီဒီယာတစ်ခုမှ ထုတ်ပြန်တဲ့ အဲလီနဲ့ ပတ်သက်တဲ့ dating အစီရင်ခံစာနဲ့ ပတ်သက်ပြီးအေဂျင်စီရဲ့ တရားဝင် ရပ်တည်ချက်ကို တင်ပြလိုပါတယ်။ အဲလီ ဟာ လက်ရှိအနုပညာအသိုင်းအဝိုင်းကမဟုတ်တဲ့ အမျိုးသားတစ်ဦးနဲ့ ချိန်းတွေ့နေပြီး နောက်နှစ် လက်ထပ်ဖို့ ရည်မှန်းထားကြပါတယ်၊ ဒီအတွက် သူတို့ ၂ ယောက်လုံးကို နွေးနွေးထွေးထွေး ဆက်ဆံပေးဖို့ တောင်းဆိုပါတယ်" လို့ ရေးသားဖော်ပြခဲ့တာဖြစ်ပါတယ်။ 

အဲလီရဲ့မင်္ဂလာသတင်းအတွက် သူမရဲ့ပရိသတ်တွေကလည်း ဆိုရှယ်မီဒီယာမှာ အကောင်းမြင်တဲ့ မှတ်ချက်တွေ ပေးခဲ့ကြပါတယ်။