ရောင်နီ (NSS) - မတ် ၁၄ 

ဂျပန်နိုင်ငံ၊ အနောက်ပိုင်း၊ ဖူကူယာမမြို့မှာ ကြောင်တစ်ကောင်ဟာ သတ္တုပြားစက်ရုံရှိ တားမြစ်ထားတဲ့ ဓာတုဗေဒ ဆေးဝါးတွေရှိတဲ့ သိုလှောင်ကန်ထဲ ပြုတ်ကျပြီး ထွက်ပြေးနေတာကြောင့် ၎င်းသွားရာလမ်းတစ်လျှောက် အန္တရာယ်ရှိလာနိုင်တယ်လို့ ရဲတပ်ဖွဲ့က သတိပေးချက်ထုတ်ပြန်ထားပါတယ်။ 

သတ္တုပြားစက်ရုံမှ ဝန်ထမ်းတစ်ဦးက အဆိုပါကြောင်ကွန်တိန်နာမှ ပြုတ်ကျပြီးနောက် ထွက်ခွာသွားတဲ့ခြေရာ တွေကို မတ် ၁၁ ရက် နံနက်ပိုင်း၊ အလုပ်ကို ရောက်ရှိလာချိန်မှာ တွေ့ခဲ့ရတယ်လို့ ကုမ္ပဏီက ပြောကြားခဲ့ပါတယ်။  ကုမ္ပဏီမှ ရိုက်ကူးထားတဲ့ အစိမ်းရင့်ရောင် လုံခြုံရေးကင်မရာဗီဒီယိုဖိုင်မှာ စက်ရုံမှ ကန်ထဲပြုတ်ကျပြီး ထွက်ပြေး သွားတဲ့ ကြောင်ကို တွေ့ရှိရပါတယ်။ 

အဆိုပါ ဓာတုဗေဒဟာ ကင်ဆာဖြစ်စေနိုင်တဲ့ hexavalent chromium ပါ၀င်ပြီး အရေပြားရောင်ရမ်းမှုကိုလည်း ဖြစ်စေနိုင်တယ်လို့ သိရပါတယ်။ ဒီအဖြစ်အပျက်အတွက်  "ကျွန်မတို့ ရဲစခန်းနဲ့ ဖူကူယာမမြို့၊ စက်ရုံနားက အိမ်နီးချင်းတွေကို ချက်ချင်းသတိပေးထားပါတယ်” လို့ ကုမ္ပဏီမှ ကိုယ်စားလှယ်တစ်ဦးက ပြောကြားပါတယ်။ 

မြို့အာဏာပိုင်တွေကလည်း တိရစ္ဆာန်တွေကို အကာအကွယ်မပါဘဲ မထိဖို့နဲ့  အစိမ်းရောင်ဆေးရည်စွန်းထင်းနေတဲ့ ကြောင်တစ်ကောင်ကိုတွေ့ရင် ရဲတပ်ဖွဲ့ကို ချက်ချင်းအကြောင်းကြားဖို့ ဒေသခံတွေကို ပြောကြားထားပါတယ်။