ရောင်နီ (NSS) - မတ် ၂

DC studio CEO ဂျိန်းဂန်းဟာ ၎င်းရဲ့ "Superman' ရုပ်ရှင်ဇာတ်ကားသစ်ကို စတင် ရိုက်ကူးထုတ်လုပ်ဖို့ ပြင်ဆင်နေပါတယ်။ 

DC Studios ဒါရိုက်တာ၊ တွဲဖက်စီအီးအို ဂျိန်းဂန်းဟာ ၎င်းရဲ့နောက်ထပ်ရုပ်ရှင် "Superman" အတွက် အဓိက ဓာတ်ပုံရိုက်ကူးဖို့ စတင်နေပြီဖြစ်တယ်လို့ ကြာသပတေးနေ့ ( ဖေဖော်ဝါရီ ၂၉ ရက်) မှာ ၎င်းရဲ့ Instagram မှာ ပြောကြားလာခဲ့တာပါ။ 

ဂန်းဟာ ၎င်းရဲ့ဆိုရှယ်မီဒီယာ ပိုစ့်မှာ အနီရောင်၊ အဝါရောင်နဲ့ အပြာရောင် စူပါမင်းဝတ်စုံရဲ့ အနီးကပ်ပုံ၊ နာမည်ကျော် "S" logo ကိုလည်း မျှဝေထားပါတယ်။ 

ယခင်က Marvel (“Guardians of the Galaxy”) နဲ့ DC (“Peacemaker”) စတဲ့ ပရိသတ် အနှစ်သက်ဆုံး ဇာတ်ကားတွေကို ရိုက်ကူးခဲ့ဖူးတဲ့ ဂန်းက ဒီရုပ်ရှင်ထုတ်လုပ်ရေး စတင်ခြင်းအတွက် အလွန်ဝမ်းသာမိကြောင်း ပြောကြားခဲ့ပ်တယ်။          

ရုပ်ရှင်ရဲ့အမည်ကို လတ်တလော "Superman" လို့သာ ခေါ်ဆိုထားပေမယ့် ရုပ်ရှင်ထွက်လာရင်တော့ ပြောင်းလဲမှု ယအနည်းငယ် ရှိနိုင်တယ်လို့ ဆိုပါတယ်။ 

ဒီရုပ်ရှင်ဟာ ကွယ်လွန်သူ ခရစ်စတိုဖာရိဗ် ပါဝင်သရုပ်ဆောင်ထားတဲ့ ၁၉၇၈ ခုနှစ်ထွက် မူရင်း "Superman" ရုပ်ရှင်နဲ့ တူညီမှု အနည်းငယ်ရှိမယ်လို့ သိရပါတယ်။

ဇာတ်ကားသစ်ရဲ့ဇာတ်ကွက်တွေ ဘယ်လိုဘယ်ပုံ ထွက်ပေါ်လာမယ်ဆိုတာ စောင့်ကြည့်ရဦးမှာဖြစ်ပါတယ်။ 

Superman ဇာတ်လမ်းသစ်မှာ မင်းသား ဒေးဗစ်ကိုရန်ဆွက် ဟာ Superman အဖြစ် သရုပ်ဆောင်မှာဖြစ်ပြီး မင်းသမီး ရေချယ်ဘရောစ်နဟန်အဖြစ် လူးဝစ်လိန်းက ပါဝင်သရုပ်ဆောင်မှာဖြစ်ပါတယ်။ 

မင်းသား နီကိုလပ်စ်ဟော့ကတော့ ဗီလိန် လက်လူသာ အဖြစ် သရုပ်ဆောင်မယ်လို့ သိရပါတယ်။ 

အဆိုပါ "Superman" ရုပ်ရှင်အသစ်ကို ၂၀၂၅ ခုနှစ် ဇူလိုင်လမှာ ရုံတင်ပြသမယ်လို့ သိရပါတယ်။