ရောင်နီ (NSS) - ဖေဖော်ဝါရီ ၂၆

           ဘီလီအက်ဒစ်ရ်ှရဲ့ အကြီးစား fangirl တစ်ဦးဖြစ်တဲ့ အမေရိကန် သရုပ်ဆောင် မစ်လီဆာမက်ကာသီဟာ စနေနေ့(ဖေဖော်ဝါရီလ ၂၄ ရက်) က SAG Awards မှာ ဘီလီအက်ဒစ်ရ်ှကို သူမရဲ့မျက်နှာမှာ လက်မှတ်ရေး ထိုးပေးဖို့ တောင်းဆိုခဲ့ပါတယ်။

           အက်ဒစ်ရ်ှဟာ မက်ကာသီရဲ့ နဖူးပေါ်မှာ သူမရဲ့ အမည်ကို လက်မှတ်ရေးထိုးပေးခဲ့ပါတယ်။ မက်ကာသီဟာ ပထမ သူမရဲ့ ဂါဝန်မှာ လက်မှတ်ရေးထိုးဖို့ အက်ဒစ်ရ်ှကို တောင်းဆိုခဲ့တာ ဖြစ်ပါတယ်။ ဒါပေမဲ့ အက်ဒစ်ရ်ှက ယဉ်ကျေးစွာပဲ ငြင်းဆိုခဲ့ပြီး သူမရဲ့ ၀တ်စားဆင်ယင်မှုကို မပျက်စီးစေလိုကြောင်း ပြောကြားခဲ့ပါတယ်။ ဒီလိုနဲ့နောက်ဆုံးမှာ အက်ဒစ်ရ်ှက မက်ကာသီရဲ့ မျက်နှာမှာ လက်မှတ်ရေးထိုးပေးဖို့ သဘောတူခဲ့ပါတယ်။ အက်ဒစ်ရ်ှက လက်မှတ်ရေးထိုးပေးစဉ်မှာ မက်ကာသီက မျက်နှာမှာ လက် အုပ်ကာ ရီမောနေခဲ့ပါတယ်။ "ကျွန်မတို့ အရင်က တကယ်အပြင်မှာ ၃ ခါလောက် တွေ့ဖူးပါတယ်" လို့ မက်ကာသီက ပြောပါတယ်။       

သူမဟာ အက်ဒစ်ရ်ှရဲ့မိခင်နဲ့လည်း ရင်းနှီးသူ တစ်ဦးဖြစ်တာကြောင့် အက်ဒစ်ရ်ှကို ကိုယ်ဝန်ဆောင်ကတည်းက တွေ့ဖူးတယ်လို့ သူမက ဖွင့်ဟခဲ့ပါတယ်