NSS - ဖေဖော်ဝါရီ ၂၁ 

ဟာသပညာရှင် လူရွှင်တော်ကြီး ဦးအုန်းသန်း(ခ) ဦးဥသြ(ဟင်္သာတ)၊ အသက်(၇၈) နှစ်သည်

ဖေဖော်ဝါရီလ ၁၉ ရက် ည ၁၁ နာရီ ၁၂ မိနစ်အချိန်တွင်  ၉၆ ပါးသောရောဂါဖြင့် ဘဝတစ်ပါးသို့ ကူးပြောင်းခဲ့သည်။

လူရွှင်တော်ကြီး ဦးဥသြ၏ နာရေးအခမ်းအနားကို ဖေဖော်ဝါရီလ ၂၁ ရက် နေ့လည် ၁၂ နာရီအချိန်တွင် ရန်ကုန်မြို့၊ မြောက်ဥက္ကလာပမြို့နယ်ရှိ ရေဝေးသုဿာန်မှာ ကျင်းပခဲ့ခြင်းဖြစ်ကာ ဟာသပညာရှင်များအစည်းအရုံး(ဗဟို) ဥက္ကဋ္ဌ ဒိန်းဒေါင်း၊ ဒုတိယဥက္ကဋ္ဌ အုန်းသီးနှင့် အမှုဆောင်အဖွဲ့ဝင်များ၊ လူရွှင်တော်များ လိုက်လံပို့ဆောင်ခဲ့ကြသည်။

ဟာသပညာရှင်များအသင်းဥက္ကဋ္ဌ ဒိန်းဒေါင်မှ နာရေးအမိန့်ပြန်တမ်း ဖတ်ကြားကာ နောက်ဆုံးနှုတ်ဆက်ခဲ့ကြပြီး ကွယ်လွန်သူ လူရွှင်တော်ဦးဥသြ၏  ရုပ်အလောင်းကို မီးသင်္ဂြုဟ်ပေးခဲ့ကြသည်။

ဟာသပညာရှင် လူရွှင်တော် ဦးဥသြ(ဟင်္သာတ) အသက် ၇၈ နှစ်အတွက် ရည်စူးပြုလုပ်မယ့် ရက်လည်ဆွမ်းသွတ်တရားတော် ရေစက်သွန်းချ အမျှပေးဝေခြင်းအလှူကို ဖေဖော်ဝါရီ ၂၅ ရက်၊ တနင်္ဂနွေနေ့မှာ ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း) မြို့နယ်၊ (၄၈) ရပ်ကွက်၊ အောင်ဆန်းသူရိယ လှသောင်းလမ်းရှိ “မိဘကျေးဇူးဆပ်ဘုရား” မှာ ပြုလုပ်ကြမည်ဖြစ်ကြောင်း သိရသည်။