အိန္ဒိယဟာ အွန်လိုင်းလောင်းကစားခွန်မှ ဒေါ်လာ ၁ ဒသမ ၇ ဘီလျံကောက်ခံဖို့ ရည်မှန်းထား
ရောင်နီ (NSS) - ဖေဖော်ဝါရီ ၅
အိန္ဒိယမှာ အွန်လိုင်းလောင်းကစား ကုမ္ပဏီတွေကို အခွန်ကောက်ခံခြင်းမှ လာမယ့်ဘဏ္ဍာ ရေးနှစ်မှာ ကုန်စည်နဲ့ ဝန်ဆောင်မှုအခွန် (GST) ရူပီး ၁၄၀ ဘီလျံ (အမေရိကန်ဒေါ်လာ ၁ ဒသမ ၇ ဘီလျံ) အထိရရှိဖို့ မျှော်လင့်ထားတယ်လို့ အခွန်အတွင်းရေးမှူး ဆန်ဂျေးမဲလ်ဟိုတရာက စနေနေ့( ဖေဖော်ဝါရီလ ၃ ရက်) မှာ ပြောကြားခဲ့ပါတယ်။ 
အစိုးရဟာ အောက်တိုဘာလက လောင်းကြေးတိုင်းအတွက် အွန်လိုင်းဂိမ်းကုမ္ပဏီများဆီမှ ၎င်းတို့ရဲ့ ဖောက်သည်တွေကို ကောက်ခံတဲ့ငွေအပေါ် အခွန် ၂၈ ရာခိုင်နှုန်းချမှတ်ခဲ့တာကြောင့် ကမ္ဘာလုံးဆိုင်ရာ ရင်းနှီးမြှုပ်နှံသူတွေရဲ့ ကျောထောက်နောက်ခံပေးထားတဲ့ အမေရိကန်ဒေါ်လာ ၁ ဒသမ ၅ ဘီလျံတန် အွန်လိုင်းလောင်းကစားလုပ်ငန်းကို ထိတ်လန့်တုန်လှုပ်စေခဲ့ပါတယ်။ မူးယစ်ဆေးဝါး သုံးစွဲမှုနဲ့ပတ်သက်ပြီး စိုးရိမ်ပူပန်မှုတွေကို ကိုးကားပြီး အစိုးရက အဆိုပါ အစီအစဉ်ကို ထုတ်ဖော်ပြသခဲ့တာဖြစ်ပါတယ်။
မတ်လ ၃၁ ရက် ကုန်ဆုံးမယ့် လက်ရှိ ဘဏ္ဍာနှစ်မှာလည်း အစိုးရက အခွန်မှ ရူပီး ၇၅ ဘီလျံခန့် ကောက်ခံသွားမှာ ဖြစ်တယ်လို့ သိရပါတယ်။ အဆိုပါအခွန်ဟာ ယခင်နှစ်ကထက် ရူပီး ၁၆ ဘီလျံတိုးမြင့်လာခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကျပ်သိန်း ၅၀၀ ဆု အပါအဝင် ထုတ်ယူရန်ကျန်ရှိသည့် ထီဆုမဲ (၁၀၀၀၀)ကျော်ကို ဖေဖော်ဝါရီလကုန်အထိ ထုတ်ယူခြင်းမရှိပါက အခွန်ဘဏ္ဍာအဖြစ် သိမ်းဆည်းမည်
RELATED POSTS
22 Nov 2024 | မှုခင်း,ပြည်တွင်း
