ရောင်နီ (NSS) - ဖေဖော်ဝါရီ ၄

       ၁၉၇၆ ခုနှစ် - ၁၉၈၅ ခုနှစ် "Rocky" ရုပ်ရှင်တွေမှာ ဆွဲဆောင်မှုရှိတဲ့ လက်ဝှေ့သမား အက်ပိုလိုခရီအဖြစ် သရုပ်ဆောင်ခဲ့တဲ့ ပရော်ဖက်ရှင်နယ် အမေရိကန် ဘောလုံးကစားသမားဟောင်း၊ သရုပ်ဆောင် ကားလ်ဝဲသားဟာ ဖေဖော်ဝါရီလ ၁ ရက်မှာကွယ်လွန်ခဲ့ပါတယ်။ ၎င်းက ကွယ်လွန်ချိန်မှာတော့ အသက် ၇၆ နှစ်ရှိပြီလို့သိရပါတယ်။

၎င်းကို ဆုံးရှုံးရခြင်းအတွက် Rocky မှာ ၎င်းရဲ့တွဲဖက်သရုပ်ဆောင် ဆယ်လ်ဗက်တာ စတောလုံက အင်စတာဂရမ်မှာ ၎င်းတို့တွဲရိုက်ထားတဲ့ ဗီဒီယိုတင်ပြီး ဝမ်းနည်းကြောင်းဖော်ပြခဲ့ပါတယ်။ "ဒီနေ့ဟာ ကျွန်တော့်အတွက် အလွန်ဝမ်းနည်းစရာကောင်းတဲ့ နေ့တစ်နေ့ပါ၊ ကားလ်ဝဲသာဟာ ကျွန်တော့်ဘဝရဲ့ အရေးပါတဲ့အစိတ်အပိုင်းတစ်ခုပါပဲ"လို့ ၎င်းက ဆိုပါတယ်။ ၎င်းတို့နှစ်ယောက်ဟာ Rocky ရုပ်ရှင်မှာ ပထမ ရန်ဘက်ဇာတ်ကောင်မှ မဟာမိတ်ဖြစ်သွားတဲ့ ဇာတ်ကောင်တွေအဖြစ် တွဲဖက်သရုပ်ဆောင်ခဲ့ပါတယ်။ 

"ကားလ်ဟာ လုံးဝကို ထက်မြက်ပါတယ်၊ သူ့အသံ၊ သူ့ဖြစ်တည်မှု၊ သူ့ရဲ့အားကစားစွမ်းရည်တွေထက် အရေးအကြီးဆုံးကတော့ သူ့ရဲ့နှလုံးသားဝိညာဉ်ပါပဲ၊ ဒါဟာ ကြောက်စရာကောင်းတဲ့ ဆုံးရှုံးမှုပါပဲ” လို့ စတောလုံက ဆိုပါတယ်။

        ဝဲလ်သားဟာ National Football League ရဲ့ Oakland Raiders မှာ အကျဉ်းချုံးကစားခဲ့ပြီး သရုပ်ဆောင်အလုပ်ကို လုပ်ကိုင်ဖို့ အားကစားမှ အနားယူခဲ့သူဖြစ်ပါတယ်။ အသက်ကြီးပိုင်းမှာ ဟာသဇာတ်ရုပ်တွေ သရုပ်ဆောင်ခဲ့တဲ့ ဝဲသာဟာ ပရိသတ်ရဲ့ချစ်ခင်အားပေးမှုကို ရရှိထားသူဖြစ်ပြီး အခုသူ့ရဲ့နာရေးအတွက် ပရိသတ်တွေက ဆိုရှယ်မီဒီယာမှာ ဝမ်းနည်းကြောင်း ပိုစ့်တင် ဖော်ပြခဲ့ပါတယ်။