ရှေ့သို့ချီပါတီ ဖျက်သိမ်းရမယ့်အမှုမှာ အနိုင်ရမယ်လို့ ယုံကြည်ကြောင်း ပါတီခေါင်းဆောင်ပီတ ပြော
ဂျန်ဇက် (NSS) - ဇွန် ၁ဝ
ထိုင်းရွေးကောက်ပွဲမှာ မဲအများဆုံးနဲ့အနိုင်ရခဲ့တဲ့ ရှေ့သို့ချီပါတီခေါင်းဆာင်တစ်ဦးဖြစ်တဲ့ ပီတ လင်ဂျာရိုအမ်ရက်က ၎င်းတို့ပါတီအနေနဲ့ ထိုင်းဘုရင်စနစ်ကို ဝေဖန်မှုအတွက် ပါတီဖျက်သိမ်းခံရမယ့် အမှုနဲ့ရင်ဆိုင်နေရပေမယ့် အမှုအနိုင်ရမယ်လို့ ယုံကြည်ထားကြောင်း ထုတ်ဖော်ပြောဆိုလိုက်ပါတယ်။
အဆိုပါရှေ့သို့ချီပါတီဟာ ပြီးခဲ့တဲ့နှစ်က ကျင်းပခဲ့တဲ့ရွေးကောက်ပွဲအတွင်း မဲအများဆုံးရခဲ့ပေမယ့် ပါတီခေါင်းဆောင် ပီတကို ဝန်ကြီးချုပ်အဖြစ် အမည်စာရင်းတင်သွင်းချိန်မှာ စစ်တပ်က ရွေးချယ်ထားတဲ့ လွှတ်တော်ကိုယ်စားလှယ်တွေရဲ့ကန့်ကွက်မှုများနဲ့ ရင်ဆိုင်ခဲ့ရပါတယ်။ ရှေ့သို့ချီပါတီဟာ ရွေးကောက်ပွဲ မဲဆွယ် စည်းရုံးချိန်အတွင်း ထိုင်းဘုရင်စနစ်ကို ဝေဖန်သူတွေကို အပြစ်ပေးမယ့်ဥပဒေကို ပြင်ဆင်ပြောင်းလဲမယ်လို့ ကြွေးကြော်ခဲ့ရာ အဲဒီကိစ္စနဲ့ပတ်သက်ပြီး တရားစွဲဆိုခံခဲ့ရကြောင်း သိရပါတယ်။
ထိုင်းဖွဲ့စည်းပုံအခြေခံဥပဒေခုံရုံးက ထိုင်းရှေ့သို့ချီပါတီကို စွဲဆိုထားတဲ့အမှုကို လက်ခံစစ်ဆေးနေပြီး ပါတီကို ဖျက်သိမ်းဖို့ သင့်/မသင့် ဆိုတဲ့အချက်ကို စဉ်းစားနေကြောင်း သိရပါတယ်။ ပီတက "ကျွန်တော်တို့ဟာ စွဲချက်နဲ့ ပတ်သက်ပြီး ခုခံတင်ပြချက် အချက် ၉ ချက် တင်ပြထားတယ်။ ကျွန်တော်တို့ရဲ့တင်ပြချက်တွေဟာ ထိုင်း တရားစီရင်ရေးနဲ့လုပ်ငန်းစဉ်တွေအတွက် အာရုံစိုက်ထားတာပါ" လို့ ပြောပါတယ်။
လွှတ်တော်အတွင်း ကိုယ်စားလှယ်အများဆုံးရရှိထားတဲ့ ထိုင်းရှေ့သို့ချီပါတီကို ဖျက်သိမ်းဖို့ ဆုံးဖြတ်မယ်ဆိုရင် ထိုင်းနိုင်ငံအပေး ဂယက်ရိုက်သွားဖွယ်ရှိနေကြောင်း ပီတက ပြောပါတယ်။ ဒါ့အပြင် ထိုင်းနိုင်ငံရဲ့ဒီမိုကရေစီစနစ် တိုက်ခိုက်ခံရသလိုမျိုးဖြစ်လာနိုင်ဖွယ်ရှိနေကြောင်း ရှေ့သို့ချီပါတီရဲ့ခေါင်းဆောင်တစ်ဦးဖြစ်သူက ထပ်မံပြောဆို ခဲ့ပါတယ်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပွဲဆူနေတဲ့ VPN ကိစ္စအလောတကြီး မစိုးရိမ်ကြပါနဲ့ဦး၊ ရွှေအသင်းဥက္ကဋ္ဌ ဖမ်းဆီးခံရခြင်း ရှိသလား၊ ရေး-ထားဝယ်လမ်း ဖြတ်သန်းမယ့် ပြည်သူတွေကို ပစ်မယ်လို ကြေညာတဲ့ PDF ၊ လျှပ်စစ်နဲ့ စွမ်းအင်ကနေ ဒေါ်လာအခွန် ၁၄ သန်း ရတယ်လိုပြောတဲ့ NUG (၉-၅-၂ဝ၂၄)
RELATED POSTS
03 Sep 2024 | နိုင်ငံရေး,နိုင်ငံတကာ
03 Sep 2024 | နိုင်ငံရေး,ပြည်တွင်း